സിനിമയിൽ ഒരു ഇടവേളക്കു ശേഷം ഓട്ടോറിക്ഷക്കാരന്റെ ഭാര്യ എന്ന സിനിമയിലൂടെ ഒരു തിരിച്ചു വരവ് നടത്തിയിരിക്കുന്ന നടിയാണ് ആൻ അഗസ്റ്റിൻ. ഇപ്പോൾ തന്റെ തുടക്ക കാലത്തു ഒരു സിനിമ നിരസിച്ചതിനെ പറ്റി തുറന്നുപറയുകയാണ് ആൻ. ഉറുമി എന്ന പൃഥ്വിരാജ് ചിത്രം ആയിരുന്നു താൻ വേണ്ടാന്ന് വെച്ചത്. തനിക്കു പകരം ആണ് നിത്യ ആ വേഷം ചെയ്യ്തത്,ഇന്നും ആ വേഷത്തെ കുറിച്ച് ആലോചിക്കുമ്പോൾ വളരെയധികം വിഷമം ഉണ്ട് ആൻ പറയുന്നു,
നിത്യ മേനോന്റെ കഥാപാത്രവും വലിയ ശ്രദ്ധ നേടിയിരുന്നു ആ സിനിമയിൽ. ആദ്യത്തെ സിനിമ എൽസമ്മ എന്ന ആൺകുട്ടിയിൽ എന്നെത്തന്നെ സ്വയം നോക്കിയിട്ട് അടുത്ത സിനിമ ചെയ്യാമെന്നായിരുന്നത്രെ ആൻ അഗസ്റ്റിൻ ഓഫർ നിരസിച്ച് കൊണ്ട് പറഞ്ഞത്.പൃഥിരാജ്, പ്രഭുദേവ, ആര്യ, വിദ്യ ബാലൻ, ജെനീലിയ, നിത്യ മേനോൻ തുടങ്ങിയവർ അഭിനയിച്ച സിനിമ മറുഭാഷകളിൽ മൊഴി മാറ്റിയെത്തിയപ്പോഴും ഹിറ്റായി
സിനിമകളിൽ നിന്ന് പൂർണമായും മാറി നിന്നിട്ടില്ലെന്നും ബിഗ് സ്ക്രീനിൽ ഇല്ലെങ്കിലും നിർമാണ രംഗത്ത് താനുണ്ടായിരുന്നെന്ന് ആൻ അഗസ്റ്റിൻ പറഞ്ഞു. തുടക്ക കാലത്ത് സിനിമയെ ഗൗരവമായി കണ്ടിരുന്നില്ല. പിന്നീടാണ് ഇത് തിരിച്ചറിഞ്ഞതെന്നും ആൻ അഗസ്റ്റിൻ പറഞ്ഞു. വിട പറഞ്ഞ പിതാവ് നടൻ അഗസ്റ്റിനെക്കുറിച്ചും ആൻ അഗസ്റ്റിൻ സംസാരിച്ചു. സൗഹൃദ മനോഭാവമുള്ളയാളായിരുന്നു പിതാവ് താരം പറയുന്നു.