മമ്മൂട്ടിയുടെ ഇതുവരെ കാണാത്ത വേഷം എന്ന വിശേഷണവുമായി എത്തുന്ന സിനിമയാണ് പുഴു.പാര്‍വതി തിരുവോത്താണ് റത്തീന സംവിധാനം ചെയ്യുന്ന സിനിമയായ പുഴുവില്‍ നായികയായി എത്തുന്നത്.ചിത്രത്തിന്റെ ടീസറും ട്രെയിലറുമൊക്കെ വന്നെങ്കിലും സിനിമയുടെ കഥ എന്താണെന്ന് ഊഹിച്ചെടുക്കാനുള്ള സാധ്യത ഇല്ലായിരുന്നു .എന്താന്ന് പുഴുവില്‍ ഉള്ള സസ്പെൻസ് എന്ന് അറിയാനായി ആരാധകർ കാത്തിരിക്കുകയാണ് .നിര്‍മ്മാതാവ് ആന്റോ ജോസഫ് പറഞ്ഞത് സിനിമ കണ്ടിറങ്ങിയപ്പോള്‍ മമ്മൂക്കയുടെ കഥാപാത്രത്തിനിട്ട് കൈകൊണ്ടൊരു കുത്ത് കൊടുക്കാന്‍ തോന്നിപ്പോയി എന്നാണ്.
”മമ്മൂക്കയുടെ ‘പുഴു’ ‘സോണി ലീവി’ലൂടെ പ്രേക്ഷകര്‍ക്ക് മുന്നിലെത്തുകയാണ്.കുറച്ചുദിവസം മുമ്പ് മമ്മൂക്കയ്ക്കും കുടുംബത്തിനുമൊപ്പം ചിത്രം കാണാന്‍ അവസരമുണ്ടായി. കഥാപരിസരത്തെക്കുറിച്ചോ മമ്മൂക്കയുടെ കഥാപാത്രത്തെക്കുറിച്ചോ പറഞ്ഞ് രസച്ചരട് മുറിക്കുന്നില്ല. പക്ഷേ ഒന്നുപറയട്ടെ. സിനിമ കണ്ടിറങ്ങിയപ്പോള്‍ മമ്മൂക്കയുടെ കഥാപാത്രത്തിനിട്ട് കൈകൊണ്ടൊരു കുത്ത് കൊടുക്കാന്‍ തോന്നിപ്പോയി. അത്രയേറെ ദേഷ്യംതോന്നി പേരുപോലുമില്ലാത്ത ആ നായകനോട്. ഒരു പുഴു ദേഹത്ത് ഇഴഞ്ഞുകയറിയതിന്റെ അസ്വസ്ഥത” എന്നാണ് ആന്റോ ജോസഫ് പറയുന്നത്.
സ്‌ക്രീനില്‍ ഇത്രയും രൂപമാറ്റം സംഭവിച്ച്കാലങ്ങളായി പരിചിതനായ ഒരാളാണോ ഇത് എന്ന് തോന്നിപ്പോയന്നും ആന്റോ പറയുന്നു.എന്റെയുള്ളിലേക്ക് കോപം കോരിയിട്ടത് ആ ഒരു കഥാപാത്രത്തോട് ദേഷ്യം തോന്നിയപ്പോള്‍മമ്മൂക്കയോടുള്ള ഇഷ്ടം കൂടുകയായിരുന്നുവെന്നും ആന്റോ ജോസഫ് പറയുന്നു. കഥാപാത്രങ്ങളോടുള്ള മമ്മൂട്ടി എന്ന നടന്റെ അഭിനിവേശത്തിന്റെ ജാലവിദ്യയാണ് തൻ ഇ സിനിമയിൽ കണ്ടത് . എല്ലാ അഭിനേതാക്കളും അത്യുഗ്രന്‍ ആണെന്ന് പറയുന്ന ആന്റോ ഇങ്ങനെയൊരു കഥയ്ക്ക് സിനിമാരൂപമേകിയ ‘രത്തീന’ എന്ന സംവിധായികയ്ക്ക് ബിഗ്സല്യൂട്ട് നല്‍കുന്നതായും പറയുന്നു. ആദ്യചിത്രം കൊണ്ടുതന്നെ ‘രത്തീന’ സ്വയം അടയാളപ്പെടുത്തിക്കഴിഞ്ഞുവെന്നും അദ്ദേഹം അഭിപ്രായപ്പെടുന്നു.
