കൊല്ലം അഞ്ചലിൽ ആശുപത്രിയിൽ മദ്യപിച്ചെത്തിയ റിയാലിറ്റി ഷോ താരം മധു അഞ്ചൽ പോലീസ് പിടിയിലായി . കോമഡി ഷോകളിലൂടെ ശ്രദ്ധേയനായ വ്യക്തി ആയിരുന്നു മധു അഞ്ചൽ . കഴിഞ്ഞ ദിവസം ഉച്ചയോടെ ആണ് സംഭവം നടന്നത് .

അഞ്ചൽ ചന്ത മുക്കിലെ സ്വകാര്യ ആശുപത്രിയിൽ മദ്യപിച്ചെത്തിയ മധു രോഗികൾ ഇരിക്കുന്ന കസേരയിൽ കയറി കിടന്നു . ജീവനക്കാർ ഇത് ചോദ്യം ചെയ്യുകയും ചെയ്തു . ഇതിനെ തുടർന്നാണ് സംഭവം വഷളാകുന്നത് . കൂടാതെ രോഗികളെയും ജീവനക്കാരെയും ഇയാൾ അസഭ്യം പറയുകയും ചെയ്തു . തുടർന്ന് ആശുപത്രി അധികൃതർ തന്നെ അഞ്ചൽ പോലീസ് സ്റ്റേഷനിൽ വിവരം അറിയിച്ചു . പോലീസ് എത്തി അനുനയിപ്പിച്ചു കൊണ്ട് പോകാൻ ശ്രമിച്ചെങ്കിലും മധു അതിനു തയ്യാറാവാത്തതിനെ തുടർന്ന് ഒടുവിൽ ബലം പ്രയോഗിച്ചാണ് ഇയാളെ കൊണ്ട് പോയത് . സ്റ്റേഷനിൽ കൊണ്ട് വന്നു ഇയാൾക്കെതിരെ മദ്യപിച്ച് ബഹളം ഉണ്ടാക്കിയതിന് പോലീസ് കേസ് എടുത്തു . ശേഷം അഭിഭാഷകൻ മുഖേന ജാമ്യം എടുത്ത് അമ്മയ്ക്ക് ഒപ്പം ആണ് ഇയാളെ വിട്ടയക്കുന്നത് .

പ്രശസ്ത ചലച്ചിത്ര നടനും റിയാലിറ്റി ഷോ സെലിബ്രിറ്റിയും ഡബ്ബിങ് ആർട്ടിസ്റ്റും ആണ് മധു . ഐഡിയൽ കപ്പിൽ തുടങ്ങിയ ചിത്രത്തിൽ മധു അഭിനയിച്ചിട്ടുണ്ട് .