സീരിയൽ പ്രേക്ഷകരുടെ പ്രിയങ്കരിയായ താരമാണ് അനുശ്രീ. ബാലതാരമായി എത്തി സിനിമകളിലും സീരിയലുകളിലും ഒരേ പോലെ തിളങ്ങിയ അനുശ്രീ ഈ അടുത്ത സമയത്താണ്  വിവാഹിതയായത്.പ്രമുഖ ക്യാമറാമാനായ വിഷ്ണു സന്തോഷാണ് ഭര്‍ത്താവ്.പക്ഷെ  വീട്ടുകാരുടെ പൂർണ സമ്മതമില്ലാതെ നടന്ന ഈ വിവാഹത്തെക്കുറിച്ചു മനസ്സ് തുറന്നു പറയുകയാണ് താരം.

Anusree

അനുശ്രീയെയും ഭര്‍ത്താവ് വിഷ്ണുവിനെയും കാണാനായി എത്തിയ നടി അനു ജോസഫ് പങ്കുവച്ച വീഡിയോയിലൂടെയാണ് കുടുംബജീവിതത്തെക്കുറിച്ചു അനുശ്രീയുടെ തുറന്നുപറച്ചില്‍. ‘ഞാന്‍ ഒറ്റയ്ക്കാണെന്ന ഫീല്‍ ഒരിക്കലും ഇല്ല എന്നതാണ് വിവാഹത്തോടെ വന്ന മാറ്റം. കുക്കിങ് ഉള്‍പ്പെടെ എന്തിനും കൂട്ടിന് വിഷ്ണു കൂടെയുണ്ട്. ജീവിതത്തില്‍ മിസിങ് എന്ന ഫീലിങ് ഇല്ല എന്നതാണ് സന്തോഷമുള്ള കാര്യം. ഞങ്ങളുടെ വിവാഹക്കാര്യത്തില്‍ അമ്മ ഇനിയും ഓകെ ആയിട്ടില്ല എന്നതാണ് സങ്കടകരം’- അനുശ്രീ പറയുന്നു.

anusree.actress

എല്ലാ സങ്കടങ്ങളും പിണക്കങ്ങളും മാറി അമ്മ ഓകെ ആകട്ടേയെന്നും അനു ജോസഫ് പറയുന്നു.മഞ്ഞില്‍ വിരിഞ്ഞ പൂവ്, പൂക്കാലം വരവമായി, പാദസരം, അമല, ദേവീ മാഹാത്മ്യം, സ്വാമി അയ്യപ്പന്‍, ചിന്താവിഷ്ടയായ സീത, ശ്രീകൃഷ്ണന്‍ എന്നിങ്ങനെ ഒരുപിടി നല്ല പരമ്ബരകളില്‍ ശ്രദ്ധേയവേഷം അനുശ്രീ കൈകാര്യം ചെയ്തിരുന്നു.