കള എന്ന ടോവിനോ ചിത്രം അടുത്ത ഇടയാണ് പ്രദർശനത്തിന് എത്തിയത്. നിരവധി പേരാണ് ചിത്രത്തിനെ പ്രശംസിച്ച് കൊണ്ട് എത്തിയത്. ഇപ്പോൾ ചിത്രം കണ്ടതിന് ശേഷം ശ്രീലക്ഷ്മി അറക്കൽ തന്റെ ഫേസ്ബുക്കിൽ പങ്കുവെച്ച കുറിപ്പാണു ശ്രദ്ധ നേടുന്നത്. കുറിപ്പ് വായിക്കാം,

ടൊവിനോയുടെ കളയിലെ സിഗററ്റ് സീൻ കണ്ട് എല്ലാവരും അതുപോലെ ഒരു ഉമ്മക്ക് കൊതിപിടിച്ച് നടപ്പുണ്ട്. ഇത് കണ്ടപ്പോൾ എനിക്ക് കൊറച്ചു നൊസ്റ്റു വന്നു. എന്റെ ബോയ്ഫ്രണ്ടിനെ പരിചയപ്പെടുന്ന സമയത്ത് ഇടക്കിടക്ക് അവർ സിഗററ്റ് വലിക്കുമായിരുന്നു. എനിക്കാണേൽ സിഗററ്റിന്റെ സ്മെൽ ഇഷ്ടമല്ല. ഞാനാണേൽ എപ്പോഴും ഈ സിഗററ്റ് വലിയെ കുറ്റം പറയും. പിന്നെ സ്നേഹമാണല്ലോ അഖിലസാരം ഊഴിയിൽ. അതുകൊണ്ട് തന്നെ ഞാനതൊന്നും ഒരു കാര്യമാക്കി എടുത്തില്ല. അങ്ങനെ ഒരു മൂന്നാല് മാസം കൊണ്ട് സിഗരറ്റ് സ്മെൽ ഇഷ്ടമില്ലാതെ ഇരുന്ന ഞാൻ സിഗററ്റ് കിസ്സുകൾടെ ഫാനായി മാറി. ഇതെഴുതുമ്പോൾ വരെ ആ മണം മൂക്കിൻ തുമ്പത്ത് ഇങ്ങനെ വന്നു നിൽക്കുന്നതായി എനിക്ക് ഫീൽ ചെയ്യുന്നു. പക്ഷേ ദുഖകരമായ ഒരു കാര്യം അതിന്നിടക്ക് സംഭവിച്ചു.

എവിടുന്നോ അശരീരി ഉണ്ടായത് പോലെ മൂന്നാല് മാസം കൊണ്ട് അവൻ സിഗററ്റ് വലി നിർത്തി നല്ല കുട്ടിയായി. എനിക്കാണേൽ ഭയങ്കര സങ്കടവും വന്നു. പക്ഷേ വലി നിർത്തിയ ഒരാളെ എന്ത് എന്റർട്ടെൻമെന്റിന് വേണ്ടിയാണെങ്കിലും പിന്നീട് വലിപ്പിക്കുക എന്നത് എന്റെ എത്തിക്സിന് നിരക്കാത്ത കാര്യമായതിനാൽ ഞാൻ വേദനയോടെ ആ ആഗ്രഹം ഒഴിവാക്കി. എന്നാലും അവന്റെ സിഗററ്റ് കിസ്സുകൾ ഞാൻ ഇപ്പോഴും മിസ് ചെയ്യുന്നു.