ഒരുത്തി എന്ന സിനിമയുടെ പ്രൊമോഷന്റെ ഭാഗമായി നടത്തിയ മാധ്യമസമ്മേളനതിനിടെ നടൻ വിനായകൻ നടത്തിയ കടുത്ത പരാമർശങ്ങളെ ശക്തമായ ഭാഷയിൽ വിമർശിച്ചു ഡോ.ശാരദ കുട്ടി. ഒരു മികച്ച സിനിമയുടെ, അതും വളരെ മികച്ച ഒരു സ്ത്രീപക്ഷ സിനിമയുടെ പ്രമോഷനിടയിൽ സ്വന്തം വിവരക്കേടും അഹന്തയും അൽപത്തവും ഹുങ്കും എന്നു വേണ്ട, ഉള്ളിലെ സകല വൃത്തികേടുകളും വലിച്ചു പുറത്തെടുത്തു മെഴുകി അതിൽ കിടന്നുരുണ്ട് പിരണ്ട് നാറിക്കുഴഞ്ഞ വിനായകൻ മഹാ അപമാനമാണ്. മഹാ പരാജയമാണ്എന്ന് ശാരദ കുട്ടി പ്രതികരിച്ചു.

അവിടെ ചോദ്യം ചോദിച്ചയാളെ അവിടെത്തന്നെ ഇട്ടു കുഴച്ച്പുരട്ടിയെടുത്താഘോഷിച്ച ചോദ്യകർത്താക്കൾ വീട്ടിൽ ചെന്ന് സോപ്പും ഡെറ്റോളും സുഗന്ധദ്രവ്യങ്ങളും ചേർത്ത് ചൂടുവെളളത്തിലൊന്ന് കുളിക്ക് . അന്തരീക്ഷത്തിലാകെ നാറ്റമാണ്. മഹാ കഷ്ടം. മഹാനാണക്കേട്. ഒരു കലാകാരൻ ആണെന്ന് ശാരദ കുട്ടി പ്രതികരിക്കുന്നു.

ഒരു സ്ത്രീയുമായി ശാരീരിക ബന്ധത്തിൽ ഏർപ്പെടണം എന്ന് തോന്നിയാൽ താൻ അവരോടു നേരിട്ട് ചോദിക്കുമെന്നുള്ള നായകൻ നടത്തിയ പരാമർശങ്ങൾ സൈബർ ഇടങ്ങളിൽ വലിയ പ്രതിഷേധമാണ് ഉയർത്തുന്നത്. സ്ത്രീസുരക്ഷയ്ക്ക് വേണ്ടി പോരാടുന്ന ഡബ്ല്യുസിസി അടക്കമുള്ള സംഘടനകളിലെ പ്രമുഖർ ഈ വിഷയത്തിൽ പ്രതികരിക്കാതെ മൗനം പാലിക്കുന്നതിനെ നടൻ ഹരീഷ് പേരടി വിമർശിച്ചിരുന്നു.സ്ത്രീ സമൂഹത്തിനു ഒരു അപമാനം തന്നെയാണ് വിനയകന്റെ ഈ വാക്കുകൾ.