മലയാളത്തിൻ്റെ മസിലളിയൻ എന്ന പേരിൽ അറിയപ്പെടുന്ന നടനാണ് ഉണ്ണി മുകുന്ദൻ. സോഷ്യൽ മീഡിയയിലും വളരെ സജീവമായ ഉണ്ണി തൻ്റെ എല്ലാ വിശേഷങ്ങളും ആരാധകരുമായി പങ്കുവെക്കാറുണ്ട്. മേപ്പടിയാൻ എന്ന ചിത്രമാണ് ഉണ്ണി അടുത്തിടെ പൂർത്തിയാക്കിയ ചിത്രം. അണിയറയിൽ ഒരുപിടി ചിത്രങ്ങളാണ് ഉണ്ണി മുകുന്ദൻ്റേതായി ഒരുങ്ങുന്നത്. ചോക്കലേറ്റ് റീറ്റോൾഡ്, ബ്രൂസ്ലീ, ഭ്രമം എന്നീ ചിത്രങ്ങളാണ് ഉണ്ണി മുകുന്ദൻ്റേതായി അണിയറയിലൊരുങ്ങുന്നത്. മാമാങ്കം, മിഖായേൽ എന്നീ ചിത്രങ്ങളാണ് ഉണ്ണി മുകുന്ദൻ്റേതായി ഒടുവിൽ തീയേറ്ററുകളിലെത്തിയ ചിത്രങ്ങൾ.
ഫിറ്റ്നസ്സിന്റെ കാര്യത്തിൽ വളരെ ഏറെ ശ്രദ്ധിക്കുന്ന ഒരാളാണ് ഉണ്ണിമുകുന്ദൻ, മലയാളത്തിന്റെ മസ്സിൽ അളിയൻ എന്നാണ് താരത്തിനെ വിശേഷിപ്പിക്കുന്നത് തന്നെ, ചെറുപ്പംമുതല്‍ വ്യായാമത്തില്‍ ഏര്‍പ്പെട്ട താരം തന്‍റെ വർക്കൗട്ട് വീഡിയോകള്‍ നിരന്തയം സോഷ്യല്‍മീഡിയയിലൂടെ പങ്കുവയ്ക്കാറുമുണ്ട്.
ശരീരസൗന്ദര്യത്തിന്റെ കാര്യത്തില്‍ ഏറെ ശ്രദ്ധ പുലര്‍ത്തുന്ന ഉണ്ണിയുടെ അഭിനയത്തിന് മാത്രമല്ല, ജിമ്മന്‍ ബോഡിക്കും ആരാധകര്‍ ഏറേയാണ്.ഇപ്പോൾ ഒരു ആരാധകന്റെ പരാതി തീർത്ത് കൊടുക്കുകയാണ് താരം.
ഉണ്ണിമുകുന്ദന്റെ ഒപ്പമുള്ള ഒരു ചിത്രം പങ്കുവെച്ചാണ് യുവാവ് പരാതി പറഞ്ഞത്, ജീവിതത്തില്‍ ആദ്യമായി ഒരു സെലിബ്രിറ്റിയെ അടുത്ത് കാണുകയും, അദ്ദേഹത്തോടൊപ്പം എടുക്കുകയും ചെയ്ത സെല്‍ഫി. ക്യാമറ ചതിച്ചതു കാരണം ചെറുതായിട്ടൊന്ന് ബ്ലര്‍ ആയിപ്പോയി. അതുകാരണം ഇതില്‍ ഉണ്ണി മുകുന്ദനാണെന്ന് പറഞ്ഞിട്ട് ആരും വിശ്വസിക്കുന്നില്ല. നിങ്ങള്‍ തന്നെ ഒന്ന് പറ ഉണ്ണിയേട്ടാ” എന്നായിരുന്നു കമന്റ്, ഉടൻ തന്നെ താരം ഇതിനു മറുപടി നൽകുകയും ചെയ്തു. ഇത് ഞാന്‍ തന്നെ” എന്ന് ഉണ്ണി മുകുന്ദന്‍ മറുപടിയായി പറഞ്ഞു. ഇപ്പോള്‍ കമന്റും മറുപടിയും സോഷ്യല്‍ മീഡിയയില്‍ വൈറലായിരിക്കുകയാണ്.
