ബാലതാരമായെത്തി പിന്നീട് സ്വഭാവവേഷങ്ങളിലൂടെ​ ശ്രദ്ധ നേടിയ നടിയാണ് അഞ്ജലി നായർ. സ്ഥിരം ദുഃഖപുത്രി റോളില്‍ അഭിനയിക്കുന്ന അഞ്ജലി നായരുടെ കരിയറിലെ ഒരു ബ്രേക്ക് ആണ് ദൃശ്യം 2 വിലെ സരിത എന്ന കഥാപാത്രം. വേഷം മാറിവന്ന പോലീസ് ഓഫീസറുടെ കഥാപാത്രത്തിലും നാട്ടിന്‍പുറത്തുകാരിയുടെ വേഷത്തിലും അഞ്ജലി തിളങ്ങി.   തന്റെ ഇരട്ട സഹോദരൻ അജയിനൊപ്പം നിൽക്കുന്ന ഒരു ചിത്രം പങ്കുവച്ചിരിക്കുകയാണ് അഞ്ജലി ഇപ്പോൾ.

മാനത്തെ വെള്ളിത്തേര് എന്ന ചിത്രത്തിൽ ബാലതാരമായി അഭിനയിച്ചുകൊണ്ടായിരുന്നു അഞ്ജലിയുടെ സിനിമാഅരങ്ങേറ്റം. പിന്നീട് ടെലിവിഷൻ അവതാരകയായും മ്യൂസിക് ആൽബങ്ങളിലും തിളങ്ങിയ അഞ്ജലി നെല്ല് എന്ന തമിഴ് ചിത്രത്തിലൂടെയാണ് ശ്രദ്ധ നേടുന്നത്.

സീനിയേഴ്സ്, വെനീസിലെ വ്യാപാരി, മാറ്റിനി, അഞ്ച് സുന്ദരികൾ, പട്ടം പോലെ, പുലിമുരുകൻ, ഒപ്പം തുടങ്ങി 120ലേറെ ചിത്രങ്ങളിൽ അഞ്ജലി അഭിനയിച്ചിട്ടുണ്ട്. കമ്മട്ടിപ്പാടത്തിൽ ദുൽഖർ സൽമാന്റെ​ അമ്മ വേഷമാണ് അഞ്ജലി ചെയ്തത്. മികച്ച സ്വഭാവ നടിക്കുള്ള സംസ്ഥാനപുരസ്കാരവും അഞ്ജലി സ്വന്തമാക്കിട്ടുണ്ട്.