ദേശീയ അവാർഡ് ജേതാവായ സംവിധായകൻ ജയരാജു൦ ,കളിയാട്ടം എന്ന ക്ലാസിക്കൽ ചിത്രത്തിന്റെ നായകനായ സുരേഷ് ഗോപിയും വീണ്ടും ഒരു പുതിയ ചിത്രത്തിന് തുടക്കം കുറിച്ചിരിക്കുന്നു. കഴിഞ്ഞ ദിവസം ചിത്രത്തിന്റെ ചിത്രീകരണം ആരംഭിച്ചു. ഒടുവിൽ നിർമാതാക്കൾ ചിത്രത്തിന്റെ പേരും നിശ്ചയിച്ചു. ഇരുവരും വീണ്ടും ഒന്നിക്കുന്ന ഈ പുതിയ ചിത്രത്തിന് ‘പെരുങ്കളിയാട്ടം’ എന്ന പേരും നൽകി.

ഇരുവരും ഒന്നിച്ച കളിയാട്ടം എന്ന ചിത്രത്തെ സമാനമായി ആണ് ഒരു പെരുങ്കളിയാട്ടം എന്ന ചിത്രത്തിന്റെ ആവിഷ്കരണം, തെയ്യത്തിന്റെ പശ്ചാത്തലത്തിൽ ആണ് ഈ കഥ പറയുന്നത്. കഴിഞ്ഞ ദിവസം ചിത്രീകരിച്ച ഈ ചിത്രത്തിന്റെ വീഡിയോ ജയരാജ് സോഷ്യൽ മീഡിയിൽ പങ്കുവെച്ചിരുന്നു. കളിയാട്ടം എന്ന ചിത്രത്തിന് ജയരാജിനെ ദേശീയ അവാർഡ് ലഭിച്ചിരുന്നു, അതുപോലെ മികച്ച നടനുള്ള അവാർഡും സുരേഷ് ഗോപിക്ക് ഈ ചിത്രത്തിൽ അഭിനയത്തിന് ലഭിച്ചിരുന്നു.

ഈ ചിത്രത്തിന് നിരവധി സംസ്ഥാന പുരസ്കാരങ്ങളും നേടി കൊടുത്തിരുന്നു. അതുകൊണ്ടു തന്നെ ഇനിയും വരാൻ പോകുന്ന ഈ പെരുംങ്കളിയാട്ടം എന്ന ചിത്രം തന്നെ പ്രേക്ഷകർ ഏറ്റെടുക്കാൻ കാത്തിരിക്കുകയാണ്. അതുപോലെ ജയരാജ് പറയുന്നു ഞങ്ങൾ നല്ലൊരു കഥ വരുന്നതുവരെ കാത്തിരിക്കുകയാണ് ഇപ്പോൾ ആണ് ഇങ്ങനൊരു കഥ ഒത്തുവന്നത്, കളിയാട്ടം എന്ന ചിത്രം പ്രേക്ഷകർ ഇരു കൈയ്യും നീട്ടി സ്വീകരിച്ചതുപോലെ തന്നെ പെരുങ്കളിയാട്ടം നിങ്ങൾ സ്വീകരിക്കുമെന്ന് വിശ്വസിക്കുന്നു .