തെന്നിന്ത്യൻ സിനിമാപ്രേക്ഷകരുടെ പ്രിയങ്കരിയും മലയാള സിനിമാലോകത്തെ ശ്രദ്ധേയസാന്നിധ്യവുമായ ശോഭന ഏറെ കാലത്തിന് ശേഷം ഇക്കൊല്ലമാണ് മലയാള സിനിമയിലേക്ക് ഒരു തിരിച്ചുവരവ് നടത്തിയത്. നടിയും നര്‍ത്തകിയുമായ ശോഭന 1984 മുതൽ സിനിമാ ലോകത്ത് സജീവമാണ്. തുടർന്ന് മലയാളം അടക്കമുള്ള തെന്നിന്ത്യൻ ഭാഷകളിലെ ശ്രദ്ധേയ സാന്നിധ്യമായി 2014 വരെ നിറഞ്ഞു നിന്ന ശേഭന പിന്നീട് അഭിനയം വിട്ട് നൃത്തത്തിന്‍റെ ലോകത്ത് നിറയുകയായിരുന്നു. ദുൽഖർ സൽമാൻ നായകനായി 2020ൽ പുറത്തിറങ്ങിയ വരനെ ആവശ്യമുണ്ട് എന്ന സിനിമയിലൂടെയായിരുന്നു നടി ക്യാമറയ്ക്ക് മുന്നിലേക്ക് വീണ്ടും തിരിച്ചെത്തിയത്. സോഷ്യൽ മീഡിയയിൽ സജീവമായ താരം പങ്കുവെക്കുന്ന പോസ്റ്റുകൾ എല്ലാം വളരെ പെട്ടെന്ന് ശ്രദ്ധ നേടാറുണ്ട്.

ഇപ്പോൾ നൃത്തവും അഭിനയവും മാത്രമല്ല താൻ ഒരു നല്ല വായനക്കാരികൂടിയാണെന്ന് തെളിയിക്കുകയാണ് താരം. കഥ, കവിത, നോവൽ, നൃത്തം, സംഗീതം, പാചകം തുടങ്ങിയ വിഭാഗങ്ങളിലെ പുസ്തകങ്ങൾ ശോഭന വിഡിയോയിലൂടെ ആരാധകർക്ക് പരിചയപ്പെടുത്തുന്നു. അടുത്തിടെ മകളെ പഠിപ്പിക്കുന്ന വീഡിയോ താരം പുറത്ത് വിട്ടിരുന്നു, ശോഭന മകളുടെ പുസ്തകങ്ങൾ എവിടെ എന്നും, പരീക്ഷക്ക് വേണ്ടിയുള്ളത് എല്ലാം കംപ്ലീറ്റ് ചെയ്തിട്ടുണ്ടോ എന്നും ചോദിക്കുന്നുണ്ട്. ശോഭനയുടെ ചോദ്യങ്ങൾക്ക്അ മറുപടി പറയുന്ന അനന്ത നാരായണിയേയും വീഡിയോയിൽ  കാണാൻ കഴിയുമായിരുന്നു.

ആരാധകർക്ക് മകൾ ഏത് ക്ലാസ്സിലാണ് പഠിക്കുന്നത്, നൃത്തം പടിക്കുന്നുണ്ടോ എന്നൊക്കെയാണ് ആരാധകർക്ക് അറിയേണ്ടത്, ശോഭന തന്റെ മകളുടെ ചിത്രങ്ങൾ ഒന്നും തന്നെ പുറത്ത് വിടാറില്ല, മകളെ പൊതുവേദിയിൽ ഒന്നും തന്നെ താരം കൊണ്ടുവരുമില്ല, മുൻപ് മകൾക്കൊപ്പം കടൽത്തീരത്ത് കളിക്കുന്ന താരത്തിന്റെ ചിത്രങ്ങൾ സോഷ്യൽ മീഡിയയിൽ ഏറെ ശ്രദ്ധ നേടിയിരുന്നു