ബാലതാരങ്ങളായി വന്നു പ്രേക്ഷക മനസ്സില്‍ ഇടം നേടിയ താരങ്ങളാണ് ശാലിനിയും ശ്യാമിലിയും. മലയാളികളുടെ ഹൃദയത്തില്‍ സ്ഥാനം നേടിയ ബാലതാരങ്ങള്‍ നായികയായെത്തിയപ്പോള്‍ ആരാധകര്‍ ഇരുകൈനീട്ടി സ്വീകരിച്ചു ആഘോഷമാക്കി മാറ്റിയിരുന്നു. മാമാട്ടിക്കുട്ടിയും മാളൂട്ടിയുമൊക്കെയായി ഇന്നും മലയാളി പ്രേക്ഷക മനസ്സില്‍ നിറഞ്ഞുനില്‍ക്കുന്നവരാണ് ശാലിനിയും ശ്യാമിലിയും. ഇവരുടെ വിശേഷങ്ങളെല്ലാം പെട്ടെന്ന് തന്നെ സോഷ്യൽ മീഡിയയിൽ വൈറലായി മാറാറുമുണ്ട്. ശാലിനിയായിരുന്നു ആദ്യം നായികയായതും, എന്നാൽ ഹിറ്റ് ചിത്രങ്ങളുമായി മുന്നേറുന്നതിനിടയിലായിരുന്നു താരം സിനിമയില്‍ നിന്നും അപ്രത്യക്ഷയായത്. തമിഴ് നടൻ അജിത്തുമായുള്ള പ്രണയവിവാഹത്തിന് ശേഷം അഭിനയത്തോട് ബൈ പറയുകയായിരുന്നു ശാലിനി. കുടുംബ ജീവിതത്തിന്റെ തിരക്കുകളിലാണ് ശാലിനിയിപ്പോള്‍. അജിത്തിനും മക്കള്‍ക്കുമൊപ്പമുള്ള ചിത്രങ്ങള്‍ ഇടയ്ക്കിടയ്ക്ക് വൈറലാവരുമുണ്ട് . ‘ഒയേ’എന്ന തെലുങ്ക് ചിത്രത്തിലൂടെയായിരുന്നു ശ്യാമിലി നായികയായി അരങ്ങേറ്റം കുറിച്ചത്. കുഞ്ചാക്കോ ബോബനൊപ്പം വള്ളീം തെറ്റി പുള്ളിയും തെറ്റിയില്‍ മലയാളത്തിൽ നായികയായത് ശ്യാമിലിയായിരുന്നു.
സോഷ്യല്‍ മീഡിയില്‍ സജീവമായ ശ്യാമിലി പങ്കുവെച്ച ശാലിനിയുടെ ചിത്രങ്ങള്‍ ആണിപ്പോൾ വൈറലായിക്കൊണ്ടിരിക്കുന്നത്. കറുപ്പ് നിറത്തിലുള്ള ഗൗണ്‍ അണിഞ്ഞു ഇരുവരും ഒപ്പമുള്ള ചിത്രം ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. എല്ലാ രാത്രികളും ലേഡീസ് നൈറ്റ് ആണെന്നാണ് ശ്യാമിലി ഇതിൽ കുറിച്ചിട്ടുള്ളത് . ഇതിനു മുൻപ് ഇതേവേഷത്തിൽ അജിത്തുമായുള്ള ചിത്രം വൈറലായ മാറിയിരുന്നു. പിറന്നാൾ ആഘോഷ വേളയിൽ എടുത്ത ചിത്രമാണിതെന്നു റിപോർട്ടുകൾ സൂചിപ്പിക്കന്നത്. പ്രിയതാരങ്ങളെ വീണ്ടും കാണാനായതിന്റെ സന്തോഷത്തിലായിരുന്നു ആരാധകര്‍.
