ബാലതാരമായി എത്തി പിന്നീട് നായികയായി മാറിയ താരമാണ് ശാലിനി, ഒരുകാലത്ത് മലയാള സിനിമയിലെ പ്രധാന ജോഡികൾ ആയിരുന്നു ശാലിനിയും കുഞ്ചാക്കോ ബോബനും ഇരുവരുടെയും കെമിസ്ട്രി പ്രേക്ഷകർക്ക് വളരെ ഇഷ്ടമായിരുന്നു, ഇരുവർക്കും നിരവധി ആരാധകർ ആണ്ഉണ്ടായിരുന്നത് , മലയാളത്തിൽ നിന്നും തമിഴിലേക്ക് എത്തിയ ശാലിനി അജിത്തുമായി പ്രണയത്തിൽ ആകുകയും പിന്നീട് വിവാഹം കഴിക്കുകയും ചെയ്തു, ഇപ്പോൾ താരം തമിഴിന്റെ മരുമകൾ ആണ്,അതേസമയം ശാലിനിക്കൊപ്പം അനിയത്തി ശ്യാമിലിയും എല്ലാവരുടെയും പ്രിയപ്പെട്ട താരമാണ്.
ബാലതാരമായിട്ട് തന്നെയാണ് സിനിമയില്‍ ശ്യാമിലിയുടെയും തുടക്കം. വിവാഹ ശേഷം ശാലിനി സിനിമ വിട്ടെങ്കിലും ശ്യാമിലി വീണ്ടും സിനിമകളില്‍ അഭിനയിച്ചു. സോഷ്യല്‍ മീഡിയയില്‍ അത്ര സജീവമല്ലാത്ത ശാലിനിയുടെ വിശേഷങ്ങള്‍ ശ്യാമിലിയാണ് പങ്കുവെക്കാറുളളത്. സോഷ്യല്‍ മീഡിയില്‍ സജീവമായ ശ്യാമിലി പങ്കുവെച്ച ശാലിനിയുടെ ചിത്രങ്ങള്‍ വൈറലായിക്കൊണ്ടിരിക്കുകയാണ്. കറുപ്പ് നിറത്തിലുള്ള ഗൗണ്‍ അണിഞ്ഞുള്ള ചിത്രം ഇതിനകം തന്നെ വൈറലായി മാറിക്കഴിഞ്ഞിട്ടുണ്ട്. എല്ലാ രാത്രികളും ലേഡീസ് നൈറ്റ് ആണെന്നാണ് ശ്യാമിലി കുറിച്ചിട്ടുള്ളത്. പ്രിയതാരങ്ങളെ വീണ്ടും കാണാനായതിന്റെ സന്തോഷത്തിലായിരുന്നു ആരാധകര്‍.
നിരവധി പേരാണ് ചിത്രത്തിന് കമെന്റുമായി എത്തുന്നത്. അജിത്തുമായുള്ള പ്രണയവിവാഹത്തിന് ശേഷം അഭിനയത്തോട് ബൈ പറയുകയായിരുന്നു ശാലിനി. കുടുംബ ജീവിതത്തിന്റെ തിരക്കുകളിലാണ് താരമിപ്പോള്‍. അജിത്തിനും മക്കള്‍ക്കുമൊപ്പമുള്ള ചിത്രങ്ങള്‍ അടുത്തിടെ വൈറലായി മാറിയിരുന്നു.ഒയേ എന്ന തെലുങ്ക് ചിത്രത്തിലൂടെയായിരുന്നു ശ്യാമിലി നായികയായി അരങ്ങേറിയത്. കുഞ്ചാക്കോ ബോബനൊപ്പം വള്ളീം തെറ്റി പുള്ളിയും തെറ്റിയില്‍ നായികയായത് ശ്യാമിലിയായിരുന്നു. നായികയായെത്തിയപ്പോള്‍ വിചാരിച്ചത്ര തിളങ്ങിയിരുന്നില്ല താരം.
