ഏഷ്യാനെറ്റിൽ സംപ്രേക്ഷണം ചെയ്യുന്ന പരമ്പരയാണ് സാന്ത്വനം. തുടങ്ങിയ നാൾ മുതൽ തന്നെ റേറ്റിങ്ങിൽ മുൻപന്തിയിൽ ആണ് പരമ്പരയുടെ സ്ഥാനം. ഭർത്താവിന്റെ സഹോദരങ്ങളെ സ്വന്തം മക്കളെ പോലെ സ്നേഹിക്കുന്ന ഏട്ടത്തിയുടെയും ഭർത്താവിന്റെയും കഥപറയുന്ന പരമ്പരയ്ക്ക് ആരാധകർ ഏറെ ആണ്. ചിപ്പി ആണ് പരമ്പരയിൽ കേന്ദ്ര കഥാപാത്രത്തെ അവതരിപ്പിക്കുന്നത്. ചിപ്പിയുടെ ഭർത്താവും സംവിധായകനുമായ രഞ്ജിത്ത് സംവിധാനം ചെയ്യുന്ന പരമ്പര നിർമ്മിക്കുന്നത് ചിപ്പി തന്നെയാണ്. സ്ഥിരം പരമ്പരകളിൽ കാണുന്ന അവിഹിതമോ അമ്മായി ‘അമ്മ – മരുമകൾ വഴക്കുകളോ ഈ പരമ്പരയിൽ ഇല്ല എന്നതാണ് ഇതിന്റെ പ്രധാന ആകർഷണവും. എന്നാൽ ഇപ്പോൾ പരമ്പരയുടെ ആരാധകർ എല്ലാം വിഷമത്തിൽ ആണ്. കഴിഞ്ഞ ദിവസം പരമ്പര കഴിഞ്ഞതിനു ശേഷം ഇനി ഒരു അറിയിപ്പ് ഉണ്ടാകുന്നത് വരെ പരമ്പരയുടെ ഷൂട്ടിങ് നിർത്തിവെക്കുകയാണെന്നു ടെലിവിഷനിൽ എഴുതി കാണിച്ചിരുന്നു.

അത് തന്നെയാണ് ആഠകരെ നിരാശർ ആക്കിയതും. കൊവിഡിന്റെ രണ്ടാം തരംഗം രൂക്ഷമാകുന്ന സാഹചര്യത്തിൽ സീരിയൽ, സിനിമാ ഷൂട്ടിംഗ് നിർത്തിവെക്കണമെന്ന് മുഖ്യമന്ത്രി പിണറായി വിജയൻ കഴിഞ്ഞ ദിവസം അറിയിച്ചിരുന്നു. ഇതിനു പിന്നാലെയാണ് പരമ്പരയുടെ ഷൂട്ടിങ് നിർത്തിയെന്നു ഒരു അറിയിപ്പ് ഉണ്ടാകുന്നത് വരെ പരമ്പര ഇനി സംപ്രേക്ഷണം ചെയ്യില്ലെന്നും ഉടൻ തന്നെ ഞങ്ങൾ നിങ്ങളുടെ സ്വീകരണ മുറിയിലേക്ക് വീണ്ടും യെത്തുന്നതാണെന്നും പരമ്പരയുടെ അണിയറ പ്രവർത്തകർ അറിയിച്ചത്.

കോവിഡ് വ്യപനത്തിന്റെ ഈ പ്രേത്യേക സാഹചര്യത്തിൽ സാന്ത്വനം എന്ന നിങ്ങളുടെ പ്രിയപ്പെട്ട പരമ്പര ഇനി വരുന്ന കുറച്ച് ദിവസങ്ങളിൽ സംപ്രേക്ഷണം ഉണ്ടായിരിക്കുന്നതല്ല . ഉടൻ തന്നെ ‘സാന്ത്വനം എന്ന പരമ്പര നിങ്ങളുടെ സ്വീകരണ മുറിയിൽ മടങ്ങി എത്തുന്നതായിരിക്കും എന്നാണ് പരമ്പര കഴിഞ്ഞതിന് ശേഷം എഴുതി കാണിച്ചത്.