അടുത്തിടെ പുറത്തിറങ്ങിയ ഹിറ്റ് ചിത്രങ്ങളിൽ ഒന്ന് തന്നെയായിരുന്നു മോഹൻലാൽ നായകനായി എത്തിയ ആറാട്ട്. വളരെ മികച്ച പ്രതികരണമായിരുന്നു ഈ ചിത്രത്തിന് ലഭിച്ചിരുന്നത്. ചിത്രം റിലീസ് ആയതിനു ശേഷം തിയേറ്ററിൽ നിന്നുള്ള ആരാധകരുടെ റിവ്യൂ സമൂഹ മാധ്യമങ്ങളിൽ വൈറലായി നിറഞ്ഞുനിന്നിരുന്നു. ആറാട്ടിൽ മോഹൻലാൽ ആറടി എന്ന ഒരൊറ്റ വാക്കു കൊണ്ട് തന്നെ സമൂഹമാധ്യമങ്ങളിൽ അടക്കം വൈറലായി മാറിയ ആളാണ് സന്തോഷ് വർക്കി. ഈ ഒരൊറ്റ വാക്ക് കൊണ്ട് തന്നെ സോഷ്യൽ മീഡിയയിൽ ട്രോളുകളിൽ നിറയുവാൻ സന്തോഷിന് ഇട വരികയായിരുന്നു. എന്നാൽ ആറാടിയ ആൾ ചെറിയ ആളല്ലെന്ന് ഇപ്പോൾ വ്യക്തമാകുകയാണ്.സമൂഹ മാധ്യമങ്ങളിൽ സജീവമായ സന്തോഷ് തന്റെ അഭിപ്രായങ്ങളും ഇഷ്ടാനിഷ്ടങ്ങളും ഒക്കെ സോഷ്യൽ മീഡിയ വഴി വ്യക്തമാക്കാറുണ്ട്.

ഇഷ്ടപ്പെട്ട നടി മഞ്ജു വാര്യർ ആണെങ്കിൽ പോലും അവരെക്കാൾ താൻ ആരാധിച്ചിരുന്നത് നിത്യാമേനോനെ ആണ് എന്ന് സന്തോഷ് വ്യക്തമാക്കിയിരുന്നു.അവരോട് ഉള്ള ആരാധന പ്രണയത്തിനും ഉപരി ആയിരുന്നു എന്ന് താരം വ്യക്തമാക്കിയിരിക്കുകയാണ്. എന്നാൽ തൻറെ പ്രണയം നഷ്ടപ്പെടുത്തിയതിൽ ഒരിക്കൽ നിത്യ ദുഃഖിക്കും എന്ന് പറയുകയാണ് സന്തോഷ്.ഇനി എൻറെ പുറകെ വന്നാലും നിത്യാമേനോനെ വിവാഹം കഴിക്കില്ല എന്ന് ഞാൻ തീരുമാനിച്ചു. അവൾ ഒരു നല്ല മനുഷ്യനായിരുന്നു എങ്കിൽ ഒരു ഫോൺ കോൺടാക്ട് എങ്കിലും തരുമായിരുന്നു. എൻറെ എത്ര സമയം ആണ് പോയത്.നിത്യയെ പോലെ ഹൃദയശൂന്യമായ ഒരു പെൺകുട്ടിയെ എനിക്ക് വിവാഹം കഴിക്കേണ്ട.

എൻറെ സമയവും എനർജിയും ഞാൻ വെറുതെ കളഞ്ഞു. ചതികൾ നടക്കുന്ന മേഖലയാണ് സിനിമ. എന്റെ ആത്മാർത്ഥമായ സ്നേഹത്തെ കുറിച്ച് ഓർത്ത് ഒരിക്കൽ നിത്യ പശ്ചാത്തപിക്കും. അവളെന്നെ അർഹിക്കുന്നില്ല എന്നാണ് സന്തോഷ് സോഷ്യൽ മീഡിയയിൽ കുറിച്ചിരുന്നത്. മുൻപ് നിത്യാമേനോനെ കാണാൻ ബെംഗളൂരുവിലെ വീട്ടിൽ ചെന്നപ്പോൾ ഉണ്ടായ അനുഭവം സന്തോഷ് പങ്കുവെച്ചിരുന്നു.നിത്യയെ കാണാൻ ഒരുപാട് ശ്രമിച്ചു എന്നും ഒരിക്കൽ ബാംഗ്ലൂരിലെ വീട്ടിലേക്ക് നേരിട്ട് ചെന്നു എന്നും സന്തോഷ് പറഞ്ഞു. പക്ഷേ അപ്പോഴും തനിക്ക് നേരിടേണ്ടിവന്നത് അപമാനം മാത്രമാണെന്നാണ് സന്തോഷിന്റെ വാദം. ലാലേട്ടൻ പോലും തന്നെ അപമാനിച്ചു എന്ന് ഫേസ്ബുക്ക് പോസ്റ്റ് ഇട്ട സന്തോഷ് വർക്കിയുടെ പുതിയ പോസ്റ്റ് ആണ് ഇപ്പോൾ ആളുകളെ ഞെട്ടിച്ചിരിക്കുന്നത്.

ഈ ജീവിതം അവസാനിപ്പിക്കാൻ പോകുന്നു എന്ന് കുറിച്ചുകൊണ്ടാണ് സന്തോഷ് വർക്കിയുടെ പുതിയ പോസ്റ്റ് ഫേസ്ബുക്കിൽ പ്രത്യക്ഷപ്പെട്ടിരിക്കുന്നത്. ഇത്രയും മനുഷ്യത്വമില്ലാത്ത ലോകത്ത് ഇനി ജീവിക്കേണ്ട. എൻറെ അച്ഛൻ വളരെയധികം ഗുരുതര അവസ്ഥയിൽ ഇരുന്നിട്ട് പോലും അച്ഛനെ കാണാൻ സഹോദരങ്ങൾ അനുവദിച്ചില്ലെന്നും നടി നിത്യാമേനോൻ അടക്കം തന്നെ അപമാനിച്ച എല്ലാവർക്കും തൻറെ മരണം സമർപ്പിക്കുന്നു എന്നുമാണ് സന്തോഷ് വർക്കി ഇപ്പോൾ കുറിച്ചിരിക്കുന്നത്. പോസ്റ്റിനു താഴെ നിരവധി പേരാണ് ഇപ്പോൾ കമൻറ്മായി എത്തിയിരിക്കുന്നത്. കടുംകൈ ഒന്നും ചെയ്യരുത് എന്നും ഒരു ഡോക്ടറെ കണ്ട് മാനസിക സംഘർഷത്തിനുള്ള ഒരു പരിഹാരം കാണുവാനും ഉപദേശിക്കുന്നവർ ധാരാളം ആണ്.