തലസ്ഥാന നഗരി കഴിഞ്ഞ ദിവസം ആഥിതേയ വേഷത്തിൽ ആവേശത്തിലായിരുന്നു. കാരണം അനന്തപുരിയിൽ അതിഥിയായി എത്തിയത്. സാക്ഷാൽ രാജമൗലിയും രാംചരണും ജൂനിയർ എൻ ടി ആറും . ആർ ആർ ആർ ചിത്രത്തിന്റെ പ്രമോഷന്റെ പ്രചാരണാർത്ഥമാണ് സംവിധായകൻ എസ് എസ് രാജമൗലിയും തെലുങ്കിലെ സൂപ്പർ താരങ്ങളായ രാംചരണും ജൂനിയർ എൻ ടി ആറും. തിരുവനന്തപുരത്ത് എത്തിയത്.
പ്രചാരണ പരിപാടിയിൽ ടോവിനോ തോമസും അതിഥിതാരമായി എത്തിയത്. ആരാധകർ ആവേശത്തോടെയാണ് ടോവിനോയെ വരവേറ്റത്. മിന്നൽ മുരളി ചിത്രത്തെ പ്രകീർത്തിച്ച രാജമൗലി ടോവിനോയെ ചേർത്തു നിർത്തി ആലിംഗനം ചെയ്യാനും മറന്നില്ല. തങ്ങളോട് കാണിക്കുന്ന സ്നേഹത്തിന് നന്ദിയുണ്ടെന്ന് താരങ്ങളും പറഞ്ഞു. ജനുവരി ഏഴിനാണ് ആർ ആർ ആർ തിയറ്ററുകളിലേക്ക് എത്തുന്നത്. 400 കോടി മുടക്കിയാണ് ചിത്രം നിർമിച്ചിരിക്കുന്നത്. സ്വാതന്ത്ര്യ സമര കാലഘട്ടത്തിലെ കഥ പറയുന്ന ചിത്രത്തിൽ ആലിയ ഭട്ടാണ് നായിക. ചിത്രത്തിൽ ബോളിവുഡ് താരം അജയ് ദേവ്ഗണും പ്രധാന വേഷത്തിൽ എത്തുന്നുണ്ട്.
