ബാഹുബലി സീരിസിന് ശേഷം എസ് എസ്  രാജമൗലി  ഒരുക്കിയ ബ്രഹ്മാണ്ഡ ചിത്രമാണ് ആർ ആർ ആർ . ഇന്ത്യൻ  സിനിമയിലെ  ഏറ്റവും  വലിയ ചിത്രങ്ങളിൽ ഒന്നായി  നിർമ്മിച്ച ഈ  സിനിമ വരുന്ന  മാർച്ച് 25 നു ആഗോള റിലീസ് ആയി എത്തുകയാണ്. എന്നാൽ  ഇതിന്റെ  ടിസർ , മേക്കിങ് വീഡിയോ, ട്രൈലെർ രണ്ടു ഗാനങ്ങൾ എന്നിവ സൂപ്പർ ഹിറ്റായി മാറിയിരുന്നു. ഇപ്പോഴിതാ സ്വാതന്ത്രത്തിന്റെ ആഘോഷവുമായി  ഈ  ചിത്രത്തിലെ  ഗാനം റിലീസ് ചെയ്തിരിക്കുകയാണ്. ജൂനിയർ  എൻ ടി  ആർ , റാം ചരൺ , ആലിയ ഭട്ട് എന്നിവർ നൃത്തം ചെയ്യുന്ന  വീഡിയോ ഗാനം ഇപ്പോൾ സൂപ്പർ ഹിറ്റായി കഴിഞ്ഞു.വിശാൽ മിശ്ര, എം എം കിരാവണി, ഹാരിക നാരായൺ എന്നിവർ ചേർന്ന് പാടിയ ഈ ഗാനത്തിന് ഇണം പകർന്നത് എം എം കിരവാണി ആണ്.

ബോളിവുഡ് താരം അജയ് ദേവ്ഗൺ കുടി പ്രധാന വേഷത്തിൽ എത്തുന്ന ഈ ചിത്രത്തിൽ ഒളിവിയ മോറിസ്, സമുദ്രക്കനി , റേ സ്റ്റീവൻസൺ ,അലിസൻ ഡൂഡി, ശ്രിയ സരൺ, രാജീവ് കനകാല എന്നിവരും അഭിനയിച്ചിരിക്കുന്നു. കെ വി വിജയേന്ദ്ര പ്രസാദ് എഴുതിക്കിയ കഥയ്ക്ക് എസ് എസ് രാജമൗലി തന്നെ തിരക്കഥ രചിച്ചിരിക്കുന്ന ഈ ചിത്രം നിർമ്മിക്കുന്നത് ഡി വി വി എന്റെർറ്റൈന്മെന്റ്സ് ആണ്. കെ കെ സെന്തിൽ കുമാർ കാമറ ചലിപ്പിക്കുന്ന ഈ ചിത്രം എഡിറ്റ് ചെയ്യുന്നത് ശ്രീകർ പ്രസാദ് ആണ്.