2014 ലായിരുന്നു സംവിധായകന്‍ പ്രിയദര്‍ശനും നടി ലിസി ലക്ഷ്മിയും വേര്‍പിരിയുന്നത്. മലയാള സിനിമയിലൂടെ തിളങ്ങി നിന്ന ലിസിയുമായി 1990 ലായിരുന്നു പ്രിയദര്‍ശന്‍ വിവാഹിതനാവുന്നത്. വിവാഹത്തോടെ ക്രിസ്ത്യാനിയായിരുന്ന ലിസി ഹിന്ദു മതം സ്വീകരിക്കുകയും ചെയ്തിരുന്നു. എന്നാല്‍ ഇരുപത്തിനാല് വര്‍ഷത്തോളം നീണ്ട ദാമ്പത്യ ജീവിതം അവസാനിപ്പിച്ച ശേഷം ഇരുവരെയും കുറിച്ചുള്ള വാര്‍ത്തകള്‍ ആരാധകരെയും നിരാശയിലാക്കി. വിവാഹമോചനത്തിന് ശേഷം താരങ്ങള്‍ സിനിമകളുടെ തിരക്കിലേക്കും ബിസിനസ് മേഖലയിലേക്കുമൊക്കെ തിരിഞ്ഞിരുന്നു. ഇവരുടെ മകൾ കല്യാണി ഇപ്പോൾ സിനിമയിൽ സജീവമാണ്. പൃഥ്വിരാജിനെറെ രണ്ടാമത്തെ സിനിമയിൽ കല്യാണിയും എത്തുന്നുണ്ട്.
അറബിക്കടലിലെ സിംഹം എന്ന ചിത്രത്തിനുശേഷം കല്യാണി അഭിനയിക്കുന്ന ചിത്രം കൂടിയാണിത്, അതും മോഹൻലാലിനൊപ്പം. പ്രശസ്ത സംവിധായകനായ പ്രിയദർശനം മോഹൻലാലും തമ്മിലുള്ള സൗഹൃദം ഇൻഡസ്ട്രിയിൽ പ്രശസ്തമാണ്. കോളേജ് കാലം മുതൽ ഇരുവരും അടുത്ത സുഹൃത്തുക്കളാണ്. നിരവധി സൂപ്പർഹിറ്റ് ചിത്രങ്ങൾ ഇരുവരും ചേർന്ന് മലയാള സിനിമയ്ക്ക് നൽകിയിട്ടുണ്ട്. ഇപ്പോഴിതാ തൻറെ മകൾ മോഹൻലാലുമൊത്ത് അഭിനയിക്കുന്നതിനെ പറ്റി പറയുകയാണ് പ്രിയദർശൻ.
ദൈവം സമ്മാനിച്ച ഏറ്റവും വലിയ നിമിഷങ്ങൾ ഒന്നായാണ് ഇതിനെ താൻ കാണുന്നത്. എൻറെ ഏറ്റവുമടുത്ത സുഹൃത്തായ മോഹൻലാലിനുമൊപ്പം തൻറെ മകൾ കല്യാണി അഭിനയിക്കുന്നു. പൃഥ്വിരാജിനും ആൻറണി ക്കും ഒരുപാട് നന്ദി. ചിത്രങ്ങൾ പങ്കുവെച്ചുകൊണ്ട് പ്രിയദർശൻ കുറിച്ചു.
