പ്രതികാരം പല വിധത്തിൽ ഉണ്ട്.. പക്ഷേ ഇങ്ങനെ ഒരു പ്രതികാരം ചെയ്യണമെങ്കിൽ കുറച്ചെങ്കിലും ഗഡ്സ് വേണം: അപാര തൊലിക്കുട്ടി എന്നു കൂടി ഈ ഗഡ്സിന് അർത്ഥമുണ്ട്.. സഹ പ്രവർത്തകർ വസ്ത്രം മാറുന്നതിന്റെ വീഡിയോ ചിത്രീകരിച്ച് പ്രദർശിപ്പിക്കുവാൻ കഴിയുവോ സക്കീർ ഭായിക്ക് : കഴിയുമെന്ന് തെളിയിച്ചിരിക്കുകയാണ് പാകിസ്ഥാൻ നടിയായ ആയി ഖുശ്ബു.

സഹപ്രവർത്തകർ വസ്ത്രം മാറുന്നതിന്റെ വീഡിയോ പ്രചരിപ്പിച്ച പാകിസ്ഥാനി നടിക്കെതിരെ കേസ്. ലാഹോറിലെ തിയേറ്റിലാണ് സഹനടിമാർ വസ്ത്രം മാറുന്നതിന്റെ വീഡിയോ സിനിമ-നാടക നടി ഖുശ്ബു തിയേറ്റർ ജീവനക്കാരന്റെ സഹായത്തോടെ ചിത്രീകരിച്ചത്. സഹതാരങ്ങളെ ഭീഷണിപ്പെടുത്താനും അപകീർത്തിപ്പെടുത്താനുമാണ് ഇവർ വസ്ത്രം മാറുന്നതിന്റെ വീഡിയോ ചിത്രീകരിച്ചത്.

സഹനടിമാരുമായുള്ള തർക്കത്തെ തുടർന്ന് ഖുശ്ബുവിനെ നാടകത്തിൽ നിന്നും പുറത്താക്കിയിരുന്നു. ഇതിനുള്ള പ്രതികാരമായിട്ടായിരുന്നു ഖുശ്ബു വീഡിയോ ചിത്രീകരിച്ചത്. വസ്ത്രം മാറുന്ന സ്ഥലത്ത് ക്യാമറ സ്ഥാപിക്കാൻ തിയേറ്റർ ജീവനക്കാരനായ കാഷിഫ് ചാന് ഖുശ്ബു ഒരു ലക്ഷം രൂപ നൽകിയിരുന്നു.

വീഡിയോ സോഷ്യൽ മീഡിയയിൽ വൈറലായതോടെ നാടകത്തിന്റെ നിർമ്മാതാവ് പാകിസ്ഥാൻ ഫെഡറൽ ഇൻവെസ്റ്റിഗേഷൻ ഏജൻസിയെ(എഫ്.ഐ.എ) സമീപിക്കുകയായിരുന്നു. ഖുശ്ബുവിനും കൂട്ടാളിയായ കാഷിഫ് ചാനുമെതിരെ എഫ്.ഐ.എ സൈബർ ക്രൈം വിഭാഗം എഫ്.ഐ.ആർ രജിസ്റ്റർ ചെയ്തു.

തിയേറ്ററിലെ വസ്ത്രം മാറുന്ന മുറിയിൽ ക്യാമറ സ്ഥാപിച്ചതായി സമ്മതിച്ച ചാനെ അറസ്റ്റ് ചെയ്തതായി എഫ്.ഐ.എ ഉദ്യോഗസ്ഥൻ പറഞ്ഞു. ഖുശ്ബുവിന് ഡിസംബർ 21 വരെ ജാമ്യം അനുവദിച്ചു.