കഴിഞ്ഞ ദിവസമാണ് നടി മൈഥിലി വിവാഹിതയായത്. ആർക്കിടെക്ടായ സമ്പത്ത്‌ ആണ് വരൻ. വ്യാഴാഴ്ച രാവിലെ ഗുരുവായൂർ ക്ഷേത്ര നടയിൽവച്ചായിരുന്നു ചടങ്ങുകൾ. സമ്പത്തിനെ ആദ്യമായി കണ്ടതും പ്രണയം ഉണ്ടായതുമൊക്കെ എങ്ങനെയാണെന്ന് പറയുകയാണ് മൈഥിലി. വിവാഹശേഷം മാധ്യമങ്ങളോട് സംസാരിക്കുന്നതിനിടെയാണ് ഇക്കാര്യം നടി പങ്കുവച്ചത്.സമ്പത്ത് ഒരു ട്രീ ഹൗസ് നിർമിക്കുന്ന സമയത്ത് വസ്തു എടുക്കുന്നതിന്റെ ആവശ്യത്തിനായി മൈഥിലിയും അമ്മയും അതേ സ്ഥലത്തു വരുകയുണ്ടായി. അവിടെ വച്ചാണ് സമ്പത്തിനെ പരിചയപ്പെടുന്നതും അത് പിന്നീട് പ്രണയമാകുന്നതും.

വിവാഹത്തിൽ അടുത്ത ബന്ധുമിത്രാദികൾ മാത്രമാണ് പങ്കെടുത്തത്. വൈകിട്ട് കൊച്ചിയിൽ സിനിമാസുഹൃത്തുക്കൾക്കായി റിസപ്ഷൻ സംഘടിപ്പിച്ചിരുന്നു.രണ്ട് കുടുംബങ്ങളുടെയും പിന്തുണയോട് കൂടിയുള്ള ലവ് കം അറേ​ഞ്ച്ഡ് മാരിയേജ് ആണ് തങ്ങളുടേതെന്ന് മൈഥിലി മാധ്യമങ്ങളോട് വ്യക്തമാക്കി. സിനിമയിൽ അഭിനയിക്കുന്നതിന് താൻ എതിരെല്ലെന്ന നിലപാടാണ് സമ്പത്തിന്റേത് മൈഥിലിക്ക് ഇഷ്ടമുണ്ടെങ്കിൽ സിനിമയിൽ അഭിനയിക്കുന്നത് തുടരുമെന്ന് സമ്പത്ത് പറയുന്നു.മോഡലായും ടി വി അവതാരകയായും പ്രവർത്തിച്ചതിന് ശേഷമാണ് 2009ൽ രഞ്ജിത്ത് ചിത്രത്തിലൂടെ സിനിമയിലേക്ക് എത്തുന്നത്. 21ആം വയസിലായിരുന്നു അരങ്ങേറ്റം.തുടർന്ന് മലയാളം സിനിമകളിൽ മികച്ച പ്രകടനം കാഴ്ചവെച്ചുകൊണ്ട് നിരൂപക പ്രശംസ പിടിച്ചുപറ്റി.