മഞ്ഞിൽ വിരിഞ്ഞ പൂവ് എന്ന മലയാള ചിത്രത്തിൽ നിന്ന് സിനിമയിലേക്ക് അരങ്ങേറ്റം കുറിച്ചവരാണ് മോഹന്ലാലലും നടൻ ശങ്കറും. ആദ്യ സിനിമയിലുൾപ്പടെ കരിയറിന്റെ തുടക്കകാലത്തു വില്ലൻ കഥാപാത്രമരുന്നെങ്കിൽ പോലും പിന്നീട് മലയാള സിനിമ കീഴടക്കാൻ മോഹൻലാലിന് കഴിഞ്ഞു . എന്നാൽ ആദ്യ സിനിമയിൽ തന്നെ നായകനായ ശങ്കറിന് സിനിമയിൽ തന്റേതായ ഒരിടം കണ്ടെത്താൻ കഴിഞ്ഞില്ല. മലയാള സിനിമയിൽ മോഹൻലാൽ എന്ന വിസ്‌മയ നടന്റെ വലിയ വളർച്ച മറ്റൊരു നടന്റെ വലിയ തകർച്ചയ്ക്ക് കാരണമായിയെന്ന് പൊതുവെ പറയാറുണ്ട്. 
ഒരിക്കൽ, താരത്തിനൊപ്പം സിനിമയിലെത്തിയ മോഹന്‍ലാല്‍ സൂപ്പര്‍ താരമായി വലിയ രീതിയിൽ മുന്നേറ്റം നടത്തുകയും തനിക്കു സൂപ്പർ താരം എന്ന ഇമേജ് എന്തുകൊണ്ട് സൃഷ്ടിക്കാന്‍ കഴിയാതെ പോയി എന്നതിനെക്കുറിച്ചും ഒരു ചാനലിനു നല്‍കിയ അഭിമുഖ പരിപാടിയില്‍ ശങ്കര്‍ വ്യക്തമാക്കിയിരുന്നു. മോഹന്‍ലാല്‍ ചെയ്തത് പോലെ വ്യത്യസ്തമായ വേഷങ്ങള്‍ തനിക്കു ലഭിച്ചില്ല. തന്റെ സ്ഥിരം ഇമേജില്‍ നിന്ന് മാറാന്‍ വേണ്ടി ആക്ഷന്‍ സിനിമകള്‍ സംവിധായകരോട് ചോദിച്ചു വാങ്ങിയിട്ടുണ്ട്. പ്രിയദര്‍ശന്റെ ‘പറയാനും വയ്യ പറയാതിരിക്കാനും വയ്യ’ എന്ന സിനിമ അങ്ങനെ ചെയ്തതാണ് എന്ന് തരാം പറയുന്നു.
“ഞാനും മോഹന്‍ലാലും തമ്മില്‍ നിരവധി സംഘട്ടന രംഗങ്ങളില്‍ അഭിനയിച്ചിട്ടുണ്ട്. മോഹന്‍ലാല്‍ ആക്ഷന്‍ സിനിമ ചെയ്യുമ്ബോള്‍ തന്നെ ഹ്യൂമറൊക്കെ അതി മനോഹരമായി ചെയ്യുമായിരുന്നു. മോഹന്‍ലാലിന്‍റെ സിനിമകളൊക്കെ സൂപ്പര്‍ ഹിറ്റാവുകയും ചെയ്തു. ഞാന്‍ ‘മഞ്ഞില്‍ വിരിഞ്ഞ പൂക്കള്‍’ എന്ന സിനിമയില്‍ കണ്ട അതേ ലാലാണ് ഇത്രയും വര്‍ഷം സൂപ്പര്‍ താരമായി എന്റെ മുന്നില്‍ നില്‍ക്കുമ്ബോഴും കാണുന്നത്. സ്വഭാവത്തില്‍ യാതൊരു മാറ്റവുമില്ല. അന്നും ഇന്നും ഒരേ പോലെ പെരുമാറുന്ന വ്യക്തിത്വമാണ് മോഹന്‍ലാലിന്റേത്” എന്നും ശങ്കര്‍ കൂട്ടിച്ചേർക്കുന്നു .
