ബോളിവുഡ് താരം കങ്കണയ്ക്ക് കോവിഡ് സ്ഥിതീകരിച്ചു, ശാരീരിക അസ്വസ്ഥതകൾ ഉണ്ടായതിനെ തുടർന്ന് നടത്തിയ പരിശോധനയിലാണ് കോവിഡ് സ്ഥിതീകരിച്ചത്, താരം തന്നെയാണ് ഈ വാർത്ത പുറത്ത് വിട്ടത്, നിങ്ങൾ ഭയപ്പെടുന്നുവെങ്കിൽ അത് നിങ്ങളെ കൂടുതൽ ഭയപ്പെടുത്തുമെന്നും കങ്കണ വ്യക്തമാക്കി, മെഡിറ്റേഷൻ ചെയ്യുന്ന ചിത്രങ്ങൾക്കൊപ്പമാണ് താരം കോവിഡ് പോസിറ്റീവ് ആയ വാർത്ത പങ്കുവെച്ചത്, ‘കഴിഞ്ഞ കുറച്ച് ദിവസങ്ങളായി കണ്ണിനു ചുറ്റും ചെറിയ അസ്വസ്ഥത ഉണ്ടായിരുന്നു, ഏറെ ക്ഷീണതയുമായിരുന്നു. ഹിമാചലിനു പോകാൻ തയാറെടുക്കുന്നതിന് മുന്നായി പരിശോധിച്ചു, അപ്പോഴാണ് കൊവിഡ് പോസിറ്റീവായതായി അറിഞ്ഞത്, ക്വാറന്‍റൈനിലാണിപ്പോള്‍.
വൈറസിന്‍റെ ഒരു കൂട്ടം ഉള്ളിലുണ്ടോയെന്നറിയില്ല, ഞാൻ ഈ വൈറസിനെ തകര്‍ക്കും, നിങ്ങള്‍ക്കു മുകളിൽ ഒരു ശക്തിയേയും വരാൻ അനുവദിക്കരുത്, വൈറസിനെ പേടിക്കരുത്, പേടിച്ചാൽ അത് നിങ്ങളെ കൂടുതൽ ഭയപ്പെടുത്തും. നമുക്കൊരുമിച്ച് കൊവിഡിനെ നേരിടാം. ഇതൊരു ചെറിയ പനിയാണ്. ഇത് അധികം പ്രചാരണം കൊടുത്ത് ആളുകളെ പേടിപ്പിക്കുകയാണ്’, കങ്കണ ഇൻസ്റ്റയിൽ കുറിച്ചിരിക്കുകയാണ്.
ധ്യാനത്തിലിരിക്കുന്നൊരു ചിത്രം പങ്കുവെച്ചുകൊണ്ടാണ് കങ്കണ കുറിപ്പ് പങ്കുവെച്ചിരിക്കുന്നത്.കഴിഞ്ഞ ദിവസം കങ്കണയുടെ ട്വിറ്റര് അക്കൗണ്ട് പൂട്ടിയിരുന്നു, വിദ്വേഷ പ്രചാരണത്തിൻ്റെ പേരിലായിരുന്നു ഈ നടപടി.രണ്ടായിരത്തിന്റെ തുടക്കത്തിലുള്ള’ അവതാരത്തിലേക്ക് മോദി മാറണം എന്ന് കങ്കണ ട്വിറ്റർ അക്കൗണ്ട് പൂട്ടുന്നതിന് മുമ്പ് പറഞ്ഞിരുന്നു. നടി ഉദ്ദേശിച്ചത് ഗുജറാത്ത് കലാപമായിരുന്നു. ഇതിന് പിന്നാലെയാണ് നടിയുടെ ട്വിറ്റർ അക്കൗണ്ട് റീഓപ്പൺ ആക്കാനാവാത്ത വിധം പൂട്ടിയത്
