മിനിസ്ക്രീൻ പ്രേക്ഷകർക്ക് ഏറെ പ്രിയങ്കരരായ താര ദമ്പതികൾ ആണ് ജിഷിനും വരദയും. ഇരുവരുടെയും കുടുംബവിശേഷങ്ങൾ അറിയാൻ ആരാധകർക്ക് എന്നും താൽപ്പര്യം ആണ്. തങ്ങളുടെ വിശേഷങ്ങൾ എല്ലാം ജിഷിൻ വളരെ രസകരമായ രീതിയിൽ ആണ് പ്രേക്ഷകരുമായി പങ്കുവെക്കാറുള്ളത്. ജിഷിന്റെ ആ അവതരണം ആരാധകർക്ക് ഏറെ ഇഷ്ടവുമാണ്. പലപ്പോഴും ജിഷിന് പങ്കുവെക്കുന്ന ചിത്രങ്ങളേക്കാൾ ഏറെ ശ്രദ്ധ നേടുക ജിഷിന് നൽകുന്ന തലക്കെട്ടുകൾ ആയിരിക്കും. എല്ലാ തലകെട്ടുകളിലും നർമ്മം ചാലിച്ചാണ് ജിഷിൻ തന്റെ പോസ്റ്റുകൾ ആരാധകരുമായി പങ്കുവെക്കാറുള്ളത്. ഇപ്പോഴിതാ താൻ വാക്സിൻ സ്വീകരിച്ച വിവരം ആരാധകരെ അറിയിച്ചിരിക്കുകയാണ് ജിഷിൻ
ജിഷിന്റെ പോസ്റ്റ് ഇങ്ങനെ,വാക്‌സിനെടുത്താല്‍ കൊവിഡ് വരില്ല എന്ന് ചിലര്‍. വാക്‌സിന്‍ എടുത്താലും കോവിഡ് വരുമെന്ന് പരിചയമുള്ള ഡോക്ടര്‍ പറഞ്ഞു എന്ന് പറഞ്ഞ് മറ്റ് ചിലര്‍. കോവിഷില്‍ഡ് എടുത്താലേ പുറം രാജ്യത്തേക്ക് വിസ കിട്ടൂ (ഇന്ന് വരെ ഇന്ത്യക്ക് പുറത്തു പോകാത്ത എന്നോടോ ബാലാ). വാക്‌സിന്‍ എടുത്താല്‍ കോവിഡ് വന്നാലും ഗുരുതരമായിരിക്കില്ല, വാക്‌സിന്‍ എടുത്താല്‍ 45 ദിവസത്തേക്ക് മദ്യപിക്കരുത്, (ഇതെന്നാ മണ്ഡല കാല വ്രതമോ), വാക്‌സിന്‍ എടുത്താല്‍ പനിക്കണം അല്ലെങ്കില്‍ വാക്‌സിന്‍ എഫക്‌ട് ആയില്ല എന്നാ അര്‍ത്ഥം,(എനിക്കാണെങ്കില്‍ പനി പോയിട്ട് ഒരു കുരുവും വന്നില്ല).
ആദ്യത്തേത് കൊവിഷില്‍ഡ് ആണെങ്കില്‍ അടുത്തത് കോവാക്‌സിന്‍ എടുക്കണമെന്നും, അങ്ങനെ എടുക്കരുതെന്നും ചിലര്‍. ഇങ്ങനെയൊക്കെയുള്ള പലതരം അഭ്യൂഹങ്ങള്‍ക്കിടയില്‍ ഞാന്‍ ഇന്ന് എന്റെ രണ്ടാം ഡോസ് വാക്‌സിന്‍ കോവിഷില്‍ഡ് വിജയകരമായി എടുത്തിരിക്കുകയാണ് സൂര്‍ത്തുക്കളെ. ആദ്യ ഡോസ് സൗജന്യമായി ലഭിച്ചെങ്കിലും, രണ്ടാമത്തെ ഡോസ് വാക്‌സിന്‍ ലഭ്യത കുറവായത് കൊണ്ട് പ്രൈവറ്റ് ഹോസ്പിറ്റലില്‍ വന്ന് പണം കൊടുത്ത് എടുക്കേണ്ടി വന്നു. പണക്കാര്‍ക്ക് പിന്നെ എന്തും ആവാലോ.
