2014 യിൽ ഓഗസ്ററ് 21 നു നസ്രിയ നസീമും ഫഹദും വിവാഹിതരായപ്പോൾ വിവാഹത്തിന്റേതായ വീഡിയോകൾക്കും ഫോട്ടോകൾക്കുമായി ന്യൂസ് ചാനലിന് മുന്നിൽ ഏറെ പ്രതീക്ഷയോടെ കാത്തിരുന്നവരാണ് നമ്മൾ മലയാളികൾ. കാരണം അത്രെയേറെ പ്രിയപ്പെട്ടവരാണ് ,മലയാളികൾക്ക് ഇരുവരും.
ഇരുവരും ഒരുമിച്ചു ജീവിതയാത്ര ആരംഭിച്ചിട്ട് 8 വർഷങ്ങൾ പൂർത്തിയായിരിക്കുകയാണ്. ജീവിതത്തിലെ തന്നെ വളരെ പ്രധാനപ്പെട്ടതും സന്തോഷം നിറഞ്ഞതുമായ ഈ ദിനത്തെ കുറിച്ച് സോഷ്യല്‍ മീഡിയയില്‍ പോസ്റ്റ് പങ്കുവെച്ചിരിക്കുകയാണ് നസ്രിയ ഫഹദ്. ഫഹദുമൊത്തുള്ള ഒരു സൈക്കിള്‍ സവാരിയുടെ വീഡിയോ പങ്കുവെച്ചാണ് നസ്രിയ ഇന്നത്തെ ദിവസത്തിന്റെ വിശേഷം ആരാധകരുമായി പങ്കുവെച്ചത്.
മാഡ്‌നെസ്സ് ന്റേതായ ഒരു വർഷം കൂടി എന്ന ക്യാപ്ഷനോടുകൂടിയാണ് വിഡിയോ പോസ്റ്റ് ചെയ്തത്. ഏതൊരു വർഷവും വിവാഹ വാർഷിക ചിത്രങ്ങൾ പങ്കിടുമ്പോഴെല്ലാം തന്റെ ജീവിതത്തിൽ കിട്ടിയ ഏറ്റവും വലിയ സമ്മാനമാണ് ഫഹദ് എന്ന് നസ്രിയയും നസ്രിയ തന്റെ ജീവിതത്തിൽ വന്നതിനു ശേഷമാണ് നല്ല മാറ്റങ്ങൾ ഉണ്ടായതെന്ന് ഫഹദും പറയാറുണ്ട്.
നസ്രിയ പങ്കുവെച്ച് ഈ മനോഹരമായ വീഡിയോയും ആരാധകര്‍ ഏറ്റെടുത്തിരിക്കുകയാണ്. എന്നും ഇങ്ങനെ സന്തോഷത്തോട് കൂടി ജീവിതം മുന്നോട്ട് പോകട്ടെ എന്നാണ് ആരാധകരും ഇരുവര്‍ക്കും ആശംസകള്‍ പങ്കുവെച്ച് പോസ്റ്റിന് കമന്റുകളായി കുറിയ്ക്കുന്നത്.
