തമിഴ് നടൻ സൂര്യ നായകനായി എത്തുന്ന പുതിയ ചിത്രമാണ് ‘എതർക്കും തുനിന്ദവൻ’ഈ സിനിമയുടെ പ്രചരണാർത്ഥം കൊച്ചിയിൽ എത്തിയ താരത്തിന് കഴിഞ്ഞ ദിവസം ഗംബീര വരവേൽപാണ്‌ ലഭിച്ചത്. അവിടു വെച്ച് തന്റെ ആരാധകരോടൊപ്പം വിശേഷങ്ങൾ പങ്കു വെക്കുകയും ഒപ്പം മാധ്യമങ്ങളോട് സംസാരിക്കുക്കയും ചെയ്യ്തു. കേരളത്തിലെ തന്റെ ആരധകരെ കുറിച്ചും , സിനിമയെ കുറിച്ചുമെല്ലാം അദ്ദേഹം സംസാരിച്ചു. തന്റെ ജീവിതത്തിലെ ഏറ്റവും നല്ല നിമിഷം മോഹൻലാൽ സാറിനൊപ്പം ചിലവിടാൻ കഴിഞ്ഞ നിമിഷങ്ങൾ ആണ് എന്ന് സൂര്യ പറഞ്ഞു.
താൻ ഒരുപാടു കാര്യങ്ങൾ അദ്ദേഹത്തിൽ നിന്നും പഠിച്ചിട്ടുണ്ട് എന്നും നടൻ സൂര്യ പറഞ്ഞു. അത് കൂടാതെ സൂര്യ നടത്തിയ ഒരു വെളിപ്പെടുത്തൽ ആണ് ഇപ്പോൾ സോഷ്യൽ മീഡിയയിൽ വൈറൽ ആവുന്നത്. പ്രശസ്ത മലയാള സംവിധായകൻ അമൽ നീരദ് തന്നോട് ഒരു കഥ പറഞ്ഞിട്ടുണ്ട് എന്നും അത് വേഗം നടക്കട്ടെ എന്നാണ് ആഗ്രഹം എന്നും സൂര്യ പറയുന്നു.മെഗാസ്റ്റാർ മമ്മൂട്ടി അഭിനയിച്ച മലയാള സിനിമയുടെ റീമേക്ക് ആണെന്നും സൂര്യ പറഞ്ഞു.
അമൽ നീരദ്,മമ്മൂട്ടി കൂട്ടുകെട്ടിൽ നിന്ന് ആകെ രണ്ടു ചിത്രങ്ങൾ ആണ് ഉണ്ടായിട്ടുള്ളത്. അതിൽ ആദ്യത്തേത് ബിഗ് ബിയും രണ്ടാമത്തേത് കഴിഞ്ഞ ആഴ്ച മാത്രം റിലീസ് ആയ ഭീഷ്മ പർവവും ആണ്. അത്കൊണ്ട് തന്നെ അമൽ പറഞ്ഞ കഥ ബിഗ് ബിയുടെ ആണെന്നാണ് റിപ്പോർട്ടുകൾ വ്യക്തമാകുന്നത്. ബിഗ് ബിയുടെ തമിഴ് റീമേക്കിൽ ബിലാൽ ആയി സൂര്യ എത്തുമോ എന്നറിയാൻ ഉള്ള ആകാംക്ഷയിലാണ് ആരാധകർ. അതേ സമയം സൂര്യ ചിത്രം എതർക്കും തുനിന്ദവൻ വരുന്ന വ്യാഴാഴ്ച ആണ് ലോകം മുഴുവൻ റിലീസ് ചെയ്യുന്നത്. പാണ്ഡിരാജ് ആണ് ഈ ചിത്രം ഒരുക്കിയത്.
