നമ്മൾ എന്ന പ്രശസ്ത ചിത്രത്തിലൂടെ മലയാളികൾക്ക് മുൻപിൽ സുപരിചിതയായ ആളാണ് ഭാവന. ആദ്യചിത്രത്തിലെ പരിമളം എന്ന കഥാപാത്രത്തിലൂടെ തന്നെ നിരവധി പ്രേക്ഷകരെ നേടിയെടുക്കുവാൻ താരത്തിന് സാധിക്കുകയുണ്ടായി. അതുകൊണ്ടുതന്നെ പിന്നീട് സിനിമാ മേഖലയിൽ എന്നും സജീവമായി നിലനിൽക്കുന്ന താരത്തിന് അവസരങ്ങൾ ഏറെ ലഭിക്കുകയായിരുന്നു. മലയാളത്തിലെ മുൻനിര നായകന്മാരുടെ ഒപ്പം എല്ലാം അഭിനയിച്ച് പ്രീതി നേടിയെടുക്കുവാൻ ഭാവനയ്ക്ക് സാധിച്ചിട്ടുണ്ട്. വിരലിലെണ്ണാൻ കഴിയുന്നതിലും അധികം മലയാളചിത്രങ്ങളിൽ ആണ് താരം വേഷം കൈകാര്യം ചെയ്തിരിക്കുന്നത്. സിഐഡി മൂസ, ക്രോണിക് ബാച്ചിലർ, സ്വപ്നക്കൂട്, തിളക്കം തുടങ്ങി നിരവധി ചിത്രങ്ങളിൽ വേഷം കൈകാര്യം ചെയ്യുവാൻ താരത്തിന് അവസരം ലഭിച്ചു. എന്നാൽ ഇടക്കാലത്ത് മലയാളത്തിൽ നിന്നും മറ്റ് തെന്നിന്ത്യൻ ഭാഷകളിലേക്ക് താരം ചേക്കേറുകയായിരുന്നു.

നാടൻ വേഷങ്ങളും നാടൻ കഥാപാത്രങ്ങൾ മാത്രം കൈകാര്യം ചെയ്തിരുന്ന ഭാവന തെന്നിന്ത്യൻ ഭാഷയിലേക്ക് ചേക്കേറിയപ്പോൾ ഗ്ലാമറസ് കഥാപാത്രങ്ങളും തനിക്ക് കൈകാര്യം ചെയ്യാം എന്ന നിലയിലേക്ക് വളരുകയായിരുന്നു. അതുകൊണ്ടുതന്നെ അവിടെയുള്ള താരത്തിന്റെ ചുവടുവെപ്പ് ഒട്ടും പിന്നിലായിരുന്നില്ല. 2017 ൽ പൃഥ്വിരാജ് സുകുമാരൻ നായകനായെത്തിയ ആദം ജോൺ എന്ന ചിത്രത്തിലാണ് താരം അവസാനമായി മലയാള സിനിമയിൽ അഭിനയിച്ചത്. അതിനുശേഷം അഞ്ച് വർഷക്കാലത്തോളം താരം സിനിമാ മേഖലയിൽ നിന്ന് ഇടവേള എടുത്തിരിക്കുകയായിരുന്നു. എന്നാൽ ഇപ്പോൾ മലയാള സിനിമയിലേക്ക് വീണ്ടും തിരിച്ചു വരാൻ ഒരുങ്ങുകയാണ് താരം. ഭാവനയുടെ രണ്ടാം തിരിച്ചുവരവിനെപ്പറ്റി ഔദ്യോഗികമായി പ്രഖ്യാപിച്ചിരിക്കുന്നത് ആഷിക് അബുവാണ്. ജീവിതത്തിൽ പല പ്രതിസന്ധികളും ഉണ്ടായപ്പോൾ ഭാവന അതിൽ നിന്നൊക്കെ തരണം ചെയ്തു മുന്നോട്ടു വരുവാനുള്ള ശ്രമമായിരുന്നു നടത്തിയിരുന്നത്. അതിൻറെ ഭാഗമായി മലയാള സിനിമയിലേക്ക് ഉടൻ ഇല്ല എന്ന തീരുമാനവും താരം എടുത്തു. തന്റെ സമാധാനത്തിനുവേണ്ടി അടുത്തെങ്ങും മലയാള സിനിമയിലേക്ക് കടന്നു വരുന്നില്ലെന്നും അഭിനയിക്കുന്നില്ലെന്ന് ഭാവന വ്യക്തമാക്കിയിരുന്നു.

എന്നാൽ ഈ സാഹചര്യത്തിൽ മറ്റു ഭാഷകളിൽ സജീവമായിരുന്ന താരം കന്നട ഭാഷയിൽ ആണ് കൂടുതലും ചിത്രങ്ങളിൽ വേഷം കൈകാര്യം ചെയ്തത്. താരത്തിൻറെ ഓരോ കഥാപാത്രവും ആളുകൾ എന്നും ഏറ്റെടുക്കുന്നത് തന്നെയായിരുന്നു. മലയാള സിനിമയിൽ നിന്ന് തനിക്ക് അവസരങ്ങൾ പലപ്പോഴും നിഷേധിച്ചിട്ടുണ്ട് എന്നും ഈ സാഹചര്യത്തിൽ എല്ലാം പ്രിയപ്പെട്ട സുഹൃത്തുക്കളായ പൃഥ്വിരാജും, ജയസൂര്യയും ആഷിക് അബുവുമടങ്ങുന്നവർ തനിക്ക് അവസരങ്ങളുമായി മുന്നോട്ടുവന്നിരുന്നു എന്ന് ഭാവന വ്യക്തമാക്കിയിരുന്നു. സിനിമാമേഖലയിൽ സജീവമല്ലായിരുന്നു എങ്കിലും പൊതുവേദികളിലും പരിപാടികളിലും പലപ്പോഴും താരം പ്രത്യക്ഷപ്പെട്ടിരുന്നു.തന്റെ രണ്ടാം തിരിച്ചുവരവിനെപ്പറ്റി ഇപ്പോൾ ചില സൂചനകൾ ഭാവന നൽകിയിരിക്കുകയാണ്. ഈ സാഹചര്യത്തിൽ വിവാഹത്തെ പറ്റിയുള്ള ഭാവനയുടെ വാക്കുകളാണ് സമൂഹ മാധ്യമങ്ങളിൽ വൈറലായി മാറുന്നത്.

വിവാഹത്തെപ്പറ്റി എന്നാണ് അഭിപ്രായം എന്ന ഒരു അഭിമുഖത്തിൽ അവതാരകൻ ചോദിച്ചപ്പോൾ വിവാഹം കഴിക്കാത്തവരോട് ഉടനൊന്നും വിവാഹം ഇല്ലേ എന്ന് ചോദിക്കുന്നത് പോലെ തന്നെ വിവാഹം കഴിഞ്ഞവരോട് ഡിവോഴ്സ് അടുത്തെങ്ങാനും ഉണ്ടോ എന്ന് ചോദിക്കുന്ന ഒരു രീതി നമ്മുടെ നാട്ടിൽ നിലനിൽക്കുന്നുണ്ടെന്നും അത് തനിക്ക് കാണാൻ സാധിച്ചത് മലയാളസിനിമയിൽ ആണെന്നുമാണ് ഭാവന വ്യക്തമാക്കിയിരിക്കുന്നത്. സിനിമാ മേഖലയിൽ നിന്നും വിട്ടുനിന്നിരുന്നു എങ്കിലും ഇന്നും താരത്തിന് ആരാധകരുടെ എണ്ണത്തിൽ യാതൊരു കുറവുമില്ല. അതുകൊണ്ടുതന്നെയാണ് താരത്തിന്റെ വാക്കുകളും വിശേഷങ്ങളും ഒക്കെ നിമിഷനേരം കൊണ്ട് വൈറലായി മാറുന്നത്.