മലയാളികളുടെ പ്രിയങ്കരനായി മാറിയ താരമാണ് ബാലചന്ദ്രമേനോൻ, നായകനായും, അച്ഛനായും, സഹനടനായും ഒക്കെ നിരവധി വേഷങ്ങളിൽ അദ്ദേഹം തിളങ്ങി, ഒരു നടൻ മാത്രമല്ല, മികച്ചൊരു സംവിധായകനും, ഗായകനും ഒക്കെയാണ് ബാലചന്ദ്രമേനോൻ. ഇപ്പോൾ അനശ്വരനായ നടൻ സത്യൻ മാസ്റ്ററെ കുറിച്ച് താരം പങ്കുവെച്ച വരികളാണ് ഏറെ ശ്രദ്ധ നെടുന്നത്. കാലയവനികക്കുള്ളിൽ മറഞ്ഞിട്ട് അര നൂറ്റാണ്ടു കഴിഞ്ഞിട്ടും ഒരു നടനെ അതേ ആരാധനയോടെ കലാകേരളം ഓർക്കുക എന്ന് വെച്ചാൽ അതാണ് ജന്മപുണ്യം എന്ന് ഞാൻ പറയും .

ഞാൻ പറഞ്ഞത് അനശ്വരനായ നടൻ സത്യൻ മാസ്റ്ററെ കുറിച്ചാണ്
ചുരുങ്ങിയ വരകൾ കൊണ്ട് ഗാന്ധിയുടെ കാർട്ടൂൺ വരക്കാവുന്നതു പോലെ ഏതാനും ‘മുക്കലും മൂളലും` കൊണ്ട് മാത്രം സത്യൻ മാസ്റ്ററുടെ അഭിനയമികവിനെയും നമുക്ക് വിലയിരുത്താനാവും (ആരെയും ഇരുത്തിക്കളയുന്ന ആ മൂളൽ …എന്തെല്ലാം അർത്ഥതലങ്ങളിലുള്ള മൂളലുകൾ !) ഒരു നടൻ എന്ന നിലയിൽ അദ്ദേഹം എന്നും എനിക്കുമൊരു പാഠപുസ്തകമായിരുന്നു. ആ ഓർമ്മകളെ ഞാൻ പിന്നീട് പിന്തുടർന്നത് മകനായ സതീഷിലൂടെയാണ് .. ഒരിക്കൽ ഗോൾഫ് ക്ളബ്ബിൽ കൂടിയ എന്റെ ഒരു സംഗീത സദസ്സിൽ സതീഷ് സത്യനുമുണ്ടായിരുന്നു . വിഷയം എങ്ങിനെയോ സത്യൻ മാസ്റ്ററിലേക്കു തിരിഞ്ഞു. പണ്ട് യൂണിവേഴ്സിറ്റി കോളേജിൽ ഞാൻ അവതരിപ്പിച്ച സത്യൻ മാസ്റ്റർ വക മിമിക്രി കാണണമെന്നായി സതീഷ്. പൊടുന്നനെ ഞാൻ ഒരു നിമിഷം പഴയ മിമിക്രിക്കാരനായി. അത് , ഇന്ന് സത്യൻ മാസ്റ്ററുടെ ‘അമ്പതാം ചരമവാർഷികത്തിനു’ എന്റെ ഒരു ഗുരു ദക്ഷിണയായി സമർപ്പിക്കാൻ കഴിഞ്ഞത് എന്റെ ജന്മപുണ്യം എന്നല്ലാതെ എന്ത് പറയാൻ, എന്നാണ് അദ്ദേഹം കുറിച്ചത്.

https://www.facebook.com/SBalachandraMenon/posts/341624333992736?__cft__[0]=AZXJzyVU7lj8wqPiPktyzYks082k-ImC51t9qcLvieuiJKIi2ZPbEIo9WDMShG6seD9GfkYhnqLD0a11fsG_saOu8Poz6Rp1bvkg3GKZzfbmHakBxBTx63DyZPaHm9rVUWxZAVHaTOZmlc_T7NapVvRooj77nqpOTOZze0NVME79rA&__tn__=%2CO%2CP-R