കുടുംബവിളക്ക് പ്രേക്ഷകരുടെ പ്രിയങ്കരിയായ നടി ആതിര മാധവ് അമ്മയായിരിക്കുകയാണ്. ഏപ്രില് നാലിനാണ് ഒരു ആണ്കുഞ്ഞിന് നടി ജന്മം കൊടുക്കുന്നത്. ഗര്ഭിണിയായ കാലം മുതല് തന്റെ ഓരോ വിശേഷങ്ങളും നടി ആരാധകരുമായി പങ്കുവെക്കുന്നത് പതിവായിരുന്നു. എന്നാല് കുഞ്ഞ് ജനിച്ചതിന് ശേഷം നടി രംഗത്ത് വന്നിരുന്നില്ല. ഇപ്പോഴിതാ ദിവസങ്ങള്ക്ക് ശേഷം തന്റെ സന്തോഷം എല്ലാവരോടും കൂടി പറയുകയാണ് നടി മകന്റെ മുഖം കാണിച്ചതിന് പുറമേ പ്രസവ സമയത്ത് എല്ലാത്തിനും കൂടെ നിന്നത് ഭര്ത്താവാണെന്നും ആതിര പറയുന്നു. രാജീവിനോട് ഏറ്റവും കൂടുതല് സ്നേഹം തോന്നിയതും ഇപ്പോഴാണെന്നാണ് നടി വെളിപ്പെടുത്തിയത്.
ഇതിനിടെ യൂട്യൂബ് ചാനലിലൂടെ കുഞ്ഞിന്റെ ഫോട്ടോ എന്ന പേരില് വ്യാജ ചിത്രങ്ങള് പ്രചരിച്ചിരുന്നു. അതൊന്നും സത്യമല്ലെന്നാണ് ആതിര പറയുന്നത്. ഏപ്രില് രണ്ടാം തീയ്യതി മുതലാണ് പ്രസവവേദന തുടങ്ങുന്നത്. അതോടെ ആശുപത്രിയിലെത്തി. നാലാം തീയ്യതിയാണ് കുഞ്ഞ് ജനിച്ചത്.ചെറിയ വേദനകളൊക്കെ വന്നപ്പോള് ഇത്രയുമേ ഉള്ളു എന്നാണ് വിചാരിച്ചത്. അതിങ്ങനെ കൂടി കൂടി വരികയായിരുന്നു. ഇടയ്ക്ക് ആ ചിന്തകളൊക്കെ മാറ്റാന് ബിഗ് ബോസ് ഷോ കാണുകയും ചെയ്തിരുന്നതായി നടി പറയുന്നു.