സംഗീത സംവിധായകന്‍ ഗോപി സുന്ദറും ഗായിക അമൃത സുരേഷും തങ്ങളുടെ പ്രണയം വെളിപ്പെടുത്തിയതോടെ സോഷ്യല്‍ ലോകത്ത് ട്രെന്റിങ്ങിലാണ് ഇരുവരും. അതുകൊണ്ട് തന്നെ ഇരുവരും പോസ്റ്റ് ചെയ്യുന്ന എല്ലാകാര്യങ്ങളും ഏറെ ശ്രദ്ധിക്കപ്പെടുന്നുണ്ടായിരുന്നു.
ഇരുവരുടെയും പുതിയ പോസ്റ്റിന് വേണ്ടിയുള്ള കാത്തിരിപ്പിലാണ് ആരാധകര്‍. ഇപ്പോഴിതാ അമൃത പങ്കുവച്ചിരിക്കുന്ന വര്‍ക്ക് ഔട്ട് വീഡിയോയും വൈറലായിരിക്കുകയാണ്.
”ഇന്ന് നിങ്ങള്‍ അനുഭവിക്കുന്ന വേദന നാളെ നിങ്ങള്‍ക്ക് ആവശ്യമായ ശക്തിയാകും.. ഉപേക്ഷിക്കരുത് നിങ്ങള്‍ ഉപേക്ഷിക്കാന്‍ പോകുമ്പോള്‍, നിങ്ങള്‍ മതിയായവനല്ലെന്ന് പറഞ്ഞവരെ ഓര്‍ക്കുക..”, അമൃത ഇന്‍സ്റ്റയില്‍ പോസ്റ്റ് ചെയ്തു. കൂടെ ഇങ്ങനെ ഫിറ്റായി ഇരിക്കാന്‍ കഴിയുന്നതിന്റെ ട്രെയിനറെയും മെന്‍ഷന്‍ ചെയ്ത് നന്ദി പറയുകയും ചെയ്തിട്ടുണ്ട് താരം.
പ്രണയത്തിലാണെന്ന് വ്യക്തമാക്കിയതോടെ അമൃതയ്ക്കും ഗോപി സുന്ദറിനുമെതിരെ രൂക്ഷവിമര്‍ശനം ഉയര്‍ന്നിരുന്നു. പക്ഷേ അതിനെല്ലാം ശക്തമായ മറുപടി നല്‍കിയാണ് ഇരുവരും പ്രതിരോധിച്ചത്.
അന്യരുടെ ജീവിതത്തില്‍ ഒരു ജോലിയുമില്ലാതെ അഭിപ്രായം പറയുന്നവര്‍ക്ക് തങ്ങളുടെ വക പുട്ടും മുട്ട കറിയും സമര്‍പ്പിക്കുന്നു എന്ന് കഴിഞ്ഞദിവസം പോസ്റ്റ് ഇട്ടുകൊണ്ടാണ് അമൃതയും ഗോപിസുന്ദറും മറുപടി നല്‍കിയത്.
സംഗീത റിയാലിറ്റി ഷോയിലൂടെ പരിചയപ്പെട്ട് നടന്‍ ബാലയുമായി നടന്‍ ബാലയുമായി അമൃത പ്രണയത്തിലാവുകയും വിവാഹിതര്‍ ആവുകയും ചെയ്തിരുന്നു. എന്നാല്‍ പിന്നീട് ഇരുവരും വേര്‍പിരിയുകയായിരുന്നു. ഇരുവര്‍ക്കും ഈ ബന്ധത്തില്‍ ഒരു മകളുണ്ട്. അവന്തിക എന്നാണ് മകളുടെ പേര്.
അമൃതയും സഹോദരിയും മലയാളികളുടെ ഇഷ്ട പാട്ടുകാരാണ്. സഹോദരി അഭിരാമി സുരേഷിനൊപ്പം ചേര്‍ന്ന് അമൃതം ഗമയ എന്ന പേരില്‍ അമൃത ആരംഭിച്ച മ്യൂസിക് ബാന്‍ഡ് ഏറെ ശ്രദ്ധ നേടിയിരുന്നു. എജി വ്ളോഗ്സ് എന്ന ഒരു യൂട്യൂബ് ചാനലും സഹോദരിമാര്‍ ചേര്‍ന്ന് നടത്തുന്നുണ്ട്. കഴിഞ്ഞദിവസം ഗോപിസുന്ദറിന്റെ പിറന്നാള്‍ ദിത്തില്‍ അമൃതയും സഹോദരി അഭിരാമിയും പിറന്നാള്‍ ആശംസകള്‍ നേര്‍ന്നതും വൈറലായിരുന്നു. എന്റെ സ്വന്തം എന്നുപറഞ്ഞായിരുന്നു അമൃതയുടെ ആശംസ. സഹോരദരനെ കണ്ടെത്തിയെന്നു പറഞ്ഞായിരുന്നു അഭിരാമിയുടെ പിറന്നാള്‍ ആശംസ.
