ബോളിവുഡ് താരം അക്ഷയ്കുമാറും മുന്‍ ലോകസുന്ദരി മാനുഷി ഛില്ലറും ഒന്നിക്കുന്ന ബോളിവുഡ് ചിത്രം ‘സാമ്രാട്ട്’ നാളെ തിയേറ്ററുകളിലേക്ക് എത്തുകയാണ്. ‘സാമ്രാട്ട് പൃഥ്വിരാജ് ചാഹാന്റെ ജീവിത കഥയാണ് ചിത്രം പറയുന്നത്.
അതേസമയം, തെന്നിന്ത്യന്‍ താരം അല്ലു അര്‍ജുനൊപ്പമാണ് അടുത്ത ചിത്രമെന്ന് അക്ഷയ് കുമാര്‍ വ്യക്തമാക്കി. ‘സാമ്രാട്ട് പൃഥ്വിരാജി’ന്റെ റിലീസുമായ ബന്ധപ്പെട്ട് നല്‍കിയ അഭിമുഖത്തില്‍ താരം തന്നെയാണ് ഇത് സംബന്ധിച്ച സൂചന നല്‍കിയതെന്നാണ് റിപ്പോര്‍ട്ട്.
തെന്നിന്ത്യന്‍-ഉത്തരേന്ത്യന്‍ സിനിമകളെക്കുറിച്ചുള്ള ചോദ്യത്തിന് മറുപടിയായാണ് താരം ഇക്കാര്യം പറഞ്ഞത്. തനിക്ക് തെന്നിന്ത്യന്‍-ഉത്തരേന്ത്യന്‍ സിനിമകളെന്ന വേര്‍തിരിവില്ല. സിനിമകള്‍ ചെയ്യുന്നത് ഇന്ത്യന്‍ പ്രേക്ഷകര്‍ക്ക് വേണ്ടിയാണ്. അല്ലു അര്‍ജുന്‍ ഉറപ്പായും എനിക്കൊപ്പം അഭിനയിക്കണം. മറ്റ് സൗത്ത് ഇന്ത്യന്‍ അഭിനേതാക്കള്‍ക്കൊപ്പവും താന്‍ അഭിനയിക്കേണ്ടതായി വരുമെന്നും
അക്ഷയ് കുമാര്‍ പറഞ്ഞു.
സാമ്രാജ് പൃഥ്വിരാജ് ചൗഹാന്റെ ചരിത്ര പ്രണയ കഥയ്ക്ക് തുടക്കം മുതലേ എതിര്‍പ്പുകള്‍ ഉടലെടുത്തിരുന്നുവെങ്കിലും അതിനെയൊക്കെ മറികടന്നു കൊണ്ടാണ് ചിത്രം തിയേറ്ററുകളില്‍ എത്തുന്നത്. ചിത്രം ഹിന്ദി, തെലുങ്ക്, തമിഴ് ഭാഷകളിലാണ് റിലീസ് ചെയ്യുക.
