കഴിഞ്ഞ വർഷത്തെ ബ്ലോക്ക്ബസ്റ്ററായ പൊന്നിയിൻ സെൽവൻ 1 ന്റെ തുടർച്ചയാണ് ഇത്. കൂടാതെ ചോള സാമ്രാജ്യത്തിന്റെ ഇതിഹാസ ഭരണാധികാരി രാജ രാജ ഒന്നാമന്റെ കഥയാണ് ചിത്രം പറയുന്നത്. ഇപ്പോഴിതാ, ചിത്രത്തിന്റെ പ്രൊമോഷൻ ഷൂട്ടിനിടയിലെ നിമിഷം പങ്കുവയ്ക്കുകയാണ് നടി ഐശ്വര്യ ലക്ഷ്മി.
മോഡേൺ വേഷങ്ങളിലും നാടൻ വേഷങ്ങളിലൂടെയും മലയാളി മനസ്സുകളിൽ ഇടം പിടിച്ച നടികൂടിയാണ് ഐശ്വര്യ ലക്ഷ്മി.ചോളന്മാർക്കിടയിലെ മലയാളിക്കുട്ടി’ എന്ന ക്യാപ്ഷനൊപ്പമാണ് നടി വിഡിയോ പങ്കുവെച്ചിരിക്കുന്നത്. കേരള സാരിയിലാണ് ഐശ്വര്യ ലക്ഷ്മി പ്രൊമോഷനിൽ പങ്കെടുക്കുന്നത്. കഴിഞ്ഞ വർഷം ഇന്ത്യൻ സിനിമയിലെ ഏറ്റവും വലിയ ഹിറ്റുകളിലൊന്നായി മാറുകയായിരുന്നു ‘പൊന്നിയിൻ സെൽവൻ.’ ചരിത്ര വിജയമാണ് മണി രത്നത്തിന്റെ ചിത്രം നേടിയത്.
റീലീസ് ചെയ്‌ത്‌ വെറും 11 ദിവസങ്ങൾ കൊണ്ട് 400 കോടിയാണ് ലോകമെമ്പാടുമുള്ള തിയേറ്ററുകളിൽ നിന്ന് ചിത്രം നേടിയത്. പ്രേക്ഷകരിൽ നിന്നും നിരൂപകരിൽ നിന്നും ഒരേ പോലെ മികച്ച അഭിപ്രായം നേടിയ ചിത്രം പിന്നീട് ഒടിടിയിൽ റിലീസ് ചെയ്‌തപ്പോഴും വളരെ മികച്ച പ്രതികരണമാണ് ലഭിച്ചത്.
