ഇഷ്‌ക് എന്ന സിനിമയിൽ കൂടി ഏറെ ശ്രദ്ധിക്കപ്പെട്ട താരമാണ് ആൻ ശീതൾ, ഇഷ്‌കിന് മുന്നേ താരം നിരവധി സിനിമകളിൽ അഭിനയിച്ചിരുന്നു, എന്നാൽ ആണിനെ ഏറെ ശ്രദ്ധിക്കപ്പെടാൻ തുടങ്ങിയത് ഇഷ്കിൽ കൂടിയാണ്, വളരെ മികച്ച പ്രകടനമാണ് ആൻ ഇഷ്കിൽ കാഴ്ച വെച്ചത്, ഒരു പൊലീസുകാരന്‍ സദാചാര പൊലീസായി മാറുന്നതിന്റെ ദുരനുഭവങ്ങള്‍ ഏറ്റുവാങ്ങേണ്ടിവന്ന കാമുകീകാമുകന്മാരായാണ് ആന്‍ ശീതളും ഷെയ്ന്‍ നിഗമും ഇഷ്‌ക്കില്‍ വേഷമിട്ടത്. സിനിമയുടെ അവസാനം ആൻ നായകനെ നടുവിരൽ കാണിക്കുന്നതാണ് സിനിമയുടെ ഹൈലൈറ്റ്, ഇപ്പോൾ അതുപോലൊരു സംഭവം തന്റെ ജീവിതത്തിലും ഉണ്ടായിട്ടുണ്ട് എന്ന് പറയുകയാണ് താരം

ഇപ്പോഴിതാ ഒരു അഭിമുഖത്തില്‍ യഥാര്‍ത്ഥ ജീവിതത്തില്‍ ആരെയെങ്കിലും നടുവിരല്‍ കാണിച്ചിട്ടുണ്ടോയെന്ന ചോദ്യത്തിന് മറുപടി ആയിട്ടാണ് താരം ഈ കാര്യം പറഞ്ഞത്  ആനിന്റെ മറുപടിയും സോഷ്യല്‍ മീഡിയയില്‍ വൈറലായിരിക്കുകയാണ്. താന്‍ സുഹൃത്തുക്കള്‍ക്കൊപ്പം പോകുമ്പോള്‍ ശല്യം ചെയ്ത ഒരു പൂവാലനെ നടുവിരല്‍ കാണിച്ചിട്ടുണ്ടെന്നും കൊച്ചിയില്‍ വച്ചായിരുന്നു ആ സംഭവമെന്നുമാണ് ആന്‍ വെളിപ്പെടുത്തിയത്.

സോഷ്യല്‍ മീഡിയയിലും വളരെ സജീവമായ ആന്‍ ഇടയ്ക്കിടെ തന്റെ ചിത്രങ്ങളും വിശേഷങ്ങളും എല്ലാം തന്നെ പങ്കുവെച്ച് എത്താറുണ്ട്. മൂന്നു ലക്ഷത്തില്‍പ്പരം പേരാണ് താരത്തെ ഇന്‍സ്റ്റാഗ്രാമില്‍ പിന്തുടരുന്നത്. കുറച്ച് നാളുകള്‍ക്ക് മുമ്പ് ആന്‍ പങ്കുവെച്ച ചിത്രങ്ങള്‍ വൈറലായിരുന്നു. മുകളില്‍ ആകാശം,താഴെ മണല്‍,ഉള്ളില്‍ സമാധാനം’എന്ന അടിക്കുറിപ്പുമായാണ് ചിത്രങ്ങള്‍ താരം പങ്കുവച്ചിരിരുന്നത്.